தப்பு, தப்பா எழுதப்பட்ட தாகூர் பாடலை மமதாவுக்கு பரிசளித்த ஹில்லாரி!

கொல்கத்தா: அமெரிக்க வெளியுறவுத் துறை அமைச்சர் ஹில்லாரி கிளிண்டன் மேற்கு வங்க முதல்வர் மமதாவுக்கு பரிசளித்த தாகூரின் பாடல் முழுவதும் எழுத்துப் பிழையுடன் உள்ளது தெரிய வந்துள்ளது.

3 நாள் சுற்றுப்யணமாக இந்தியா வந்த அமெரிக்க வெளியுறவுத் துறை அமைச்சர் ஹில்லாரி கிளிண்டன் மேற்கு வங்க முதல்வர் மமதா பானர்ஜியை சந்தித்து பேசினார். அப்போது அவர் ரபிந்திரநாத் தாகூர் படமும், அவர் எழுதிய பிரபல பாடல் ஒன்றும் அடங்கிய அழகிய வேலைப்பாட்டுடனான துணியை மமதாவுக்கு பரிசளித்தார்.

அந்த துணியின் நடுவே தாகூரின் உருவம் உள்ளது. துணியன் ஓரங்களில் அவரது பாடல் வங்க மொழியில் எம்பிராய்டரி செய்யப்பட்டுள்ளது. இந்த துணியின் படம் செய்தித்தாள்களில் வந்தபோது தான் தாகூரின் பாடல் தப்புத்தப்பாக எம்பிராய்டரி செய்யப்பட்டுள்ளது தெரிய வந்தது.

ஹில்லாரியை சந்தித்த பிறகு மமதா செய்தியாளர்களிடம் அந்த பரிசுத் துணுயைக் காண்பித்து கூறியதாவது,

ஹில்லாரி இதை எனக்கு பரிசளித்துள்ளார். அவர் தாகூரின் பாடலைக் கூட நினைவு கூர்ந்தார். அகுனர் போரோஷ்மோனி என்ற அந்த பாடல் தாகூரின் பிரபலமான பாடல்களில் ஒன்றாகும் என்றார்.

அவர் அந்த துணியை டிவி கேமராக்களுக்கு முன்பு காட்டியபோதுகூட யாரும் அதில் இருந்த எழுத்துப் பிழைகளை கவனிக்கவில்லை. எழுத்துப் பிழை தவிர்த்து வார்த்தைகளும் தவறாக உள்ளது என்பது குறிப்பிடத்தக்கது.

English summary

US State Secretary Hillary Clinton's gift of a Rabindranath Tagore's picture on a piece of cloth to Chief Minister of West Bengal, Mamata Banerjee hogged the limelights after it came to light that the songs embroidered on it in Bengali script were full of mistakes.