புதுக்கோட்டை இடைத்தேர்தல்: திமுகவைப் போன்று இந்திய யூனியன் முஸ்லீம் லீக்கும் புறக்கணிப்பு
வேலூர்: புதுக்கோட்டை இடைத்தேர்தலில் இந்திய யூனியன் முஸ்லீம லீக் போட்டியிடாது என்று அக்கட்சியின் மாநில தலைவர் கே.எம்.காதர் மொய்தீன் தெரிவித்துள்ளார்.
இது குறித்து அவர் வேலூர் மாவட்டம் ஆம்பூரில் செய்தியாளர்களிடம் கூறியதாவது,
அனைத்து மாநிலங்களிலும் இந்திய முஸ்லீம் லீக்கிற்கு புதிய உறுப்பினர்கள் சேர்க்கப்பட்டு வருகிறார்கள். வரும் டிசம்பர் மாதம் உள்கட்சி தேர்தல் நடத்த ஏற்பாடு செய்யப்பட்டுள்ளது. கட்சி துவங்கி 65 ஆண்டுகள் ஆகிவிட்டன. தற்போது தான் கட்சிக்கு அங்கீகாரம் கிடைத்துள்ளது.
வரும் நாடாளுமன்ற, சட்டமன்ற மற்றும் உள்ளாட்சி தேர்தல்களில் இந்தியன் யூனியன் முஸ்லீ் லீக் ஏணி சின்னத்தில் போட்டியிடும்.
வரும் ஜூலை மாதம் 14,15 ஆகிய தேதிகளில் தேசிய இளைஞரணி பிரதிநிதிகள் மாநாடு நடக்கிறது. இதி்ல் சுமார் 5,000 இளைஞர்கள் கலந்துகொள்கிறார்கள். சிறுபான்மை மக்கள் தங்களின் தாய் மொழி படிக்க தமிழக அரசு உரிய நடவடிக்கை எடுக்க வேண்டும்.
தமிழகத்தில் நாங்கள் திமுக கூட்டணியில் தான் உள்ளோம். புதுக்கோட்டை இடைத்தேர்தலில் திமுக போட்டியிடவில்லை. நாங்களும் போட்யிடப்போவதில்லை என்றார்.
Click it and Unblock the Notifications
Sign in with Google