இந்துக்களின் யாத்திரைக்கும் மானியம்: ஜெ.வுக்கு வி.எச்.பி. நன்றி

சென்னை: இந்துக்களின் புனித யாத்திரை பயணங்களுக்கும் மானியம் வழங்கப்படும் என்ற தமிழக முதல்வர் ஜெயலலிதாவின் அறிவிப்புக்கு விசுவ ஹிந்து பரிஷத் அமைப்பு நன்றி தெரிவித்துள்ளது.

அகில இந்திய விசுவ ஹிந்து பரிஷத் அமைப்பின் ஆலோசகர் வேதாந்தம் வெளியிட்டுள்ள அறிக்கையில், கைலாய மானசரோவர் யாத்திரை செல்பவர்கள் 500 பேருக்கு தலா ரூ.40 ஆயிரமும் மற்றும் நேபாளம் முக்திநாத் யாத்திரை செல்பவர்கள் 500 பேருக்கு தலா ரூ.10 ஆயிரமும் அரசு மானியம் வழங்கும் என்று முதல்வர் அறிவித்துள்ளதை வரவேற்பதுடன் நன்றியும் தெரிவித்துக் கொள்வதாக கூறப்பட்டுள்ளது.

இந்துக்களின் யாத்திரைக்கு மானியம் வழங்கப்படும் என்ற அறிவிப்பை தமிழக முதல்வர் ஜெயலலிதா சட்டப்பேரவையில் நேற்று வெளியிட்டிருந்தார்.

English summary

Vishwa Hindu Parishad welcomes the decission of the Tamilnadu Governmet to subsidise Mansarovar Yatra.