பெங்களூர் ராயல் சேலஞ்சர்ஸ் அணியின் அலுவலகத்தில் ஐடி ரெய்டு!

Published: Wednesday, May 23, 2012, 17:28 [IST]

Subscribe to Oneindia Tamil

பெங்களூர்: சர்ச்சைக்குள்ளாகி வரும் பெங்களூர் ராயல் சேலஞ்சர்ஸ் ஐபிஎல் அணியின் பெங்களூர் அலுவலகத்தில் வருமானவரித்துறையினர் ரெய்டு நடத்தியுள்ளதாக தகவல்கள் வெளியாகியுள்ளன.

பெங்களூரில் உள்ள ராயல் சேலஞ்சர்ஸ் அணியின் அலுவலகத்திற்கு வந்த அதிகாரிகள் அங்கிருந்த ஆவணங்களைப் பரிசோதித்துள்ளனர். விஜய் மல்லையாவின் யுபி சிட்டி அலுவலக வளாகத்தில்தான் ராயல் சேலஞ்சர்ஸ் அணியின் அலுவலகம் அமைந்துள்ளது.

முன்னதாக புனே மற்றும் மும்பையில் உள்ள புனே வாரியர்ஸ் அணியின் அலுவலகங்களை ஐடி அதிகாரிகள் இன்று காலை சோதனையிட்டனர்.

நடப்பு ஐபிஎல் தொடர், தொடர்ந்து பல்வேறு சர்ச்சைகளில் சிக்கித் தவித்து வருகிறது. ஸ்பாட் பிக்சிங், கருப்புப் பணம், வீரர்களின் செக்ஸ் லீலைகள், போதை மருந்து விருந்து என அல்லோகல்லப்பட்டுக் கொண்டிருக்கிறது. இந்த நிலையில் தற்போது நடந்துள்ள ரெய்டு பரபரப்பை கிளப்பியுள்ளது.

Published On May 23, 2012