புதுக்கோட்டை இடைத்தேர்தல்: ஐ.ஜே.கே. வேட்பாளர் கே.பி.என்.சீனிவாசன் வேட்பு மனு தாக்கல்

Published: Wednesday, May 23, 2012, 16:38 [IST]

Subscribe to Oneindia Tamil

புதுக்கோட்டை: புதுக்கோட்டை இடைத்தேர்தலில் போட்டியிடும் இந்திய ஜனநாயக கட்சி வேட்பாளர் கே.பி.என்.சீனிவாசன் இன்று வேட்பு மனு தாக்கல் செய்தார்.

புதுக்கோட்டை இடைத்தேர்தலில் இந்திய ஜனநாயக கட்சி சார்பில் கே.பி.என்.சீனிவாசன் போட்டியிடுவார் என்று அக்கட்சியின் தலைவர் பாரிவேந்தர் அறிவித்தார்.
அதன்படி கே.பி.என்.சீனிவாசன் புதுக்கோட்டை கோட்டாட்சியர் அலுவலகத்தில், கோட்டாட்சியர் முத்துகுமாரியிடம் இன்று காலை வேட்பு மனு தாக்கல் செய்தார்.

இந்நிலையில் கட்சியின் பொதுச் செயலாளர் ஜெயசீலன் தலைமையில் 22 பேர் கொண்ட தேர்தல் பணிக்குழு அமைக்கப்பட்டுள்ளது. புதிதாக அமைக்கப்பட்டுள்ள தேர்தல் பணிக்குழுவை அக்கட்சி தலைவர் பாரிவேந்தர் அறிவித்துள்ளார். அதிமுக சார்பில் 32 அமைச்சர்கள் உள்பட 52 பேர் கொண்ட தேர்தல் பணிக்குழுவை முதல்வர் ஜெயலலிதா நியமித்துள்ளார். அந்த குழு நேற்று புதுக்கோட்டை சென்றுள்ளது என்பது குறிப்பிடத்தக்கது.

இடைத்தேர்தலில் அதிமுக சார்பில் போட்டியிடும் கார்த்திக் தொண்டைமான் நேற்றும், தேமுதிக வேட்பாளர் ஜாகீர் உசேன் கடந்த 16ம் தேதியும் வேட்பு மனு தாக்கல் செய்தனர்.

Published On May 23, 2012