பாரத் பெட்ரோலியம் 4-ம் காலாண்டு லாபம் ரூ.4ஆயிரம் கோடி

டெல்லி: எண்ணெய் நிறுவனங்கள் நட்டத்தில் இருப்பதால்தான் வரலாறு காணாத பெட்ரோல் விலை உயர்வை நடைமுறைப்படுத்த வேண்டியிருக்கிறது என்று ஒருபுறம் அரசுத் தரப்பில் கூறிக் கொண்டிருக்கும் நிலையில் பொதுத் துறை நிறுவனமான பாரத் பெட்ரோலியத்தின் நான்காம் காலாண்டு நிகர லாபம் ரூ. 3 ஆயிரத்து 962.83 கோடியென்று அந்த நிறுவனம் தெரிவித்திருக்கிறது.

2011-2012 நிதி ஆண்டின் நான்காம் காலாண்டுக்கான நிகர லாபம் முந்தைய நிதி ஆண்டைவிட நான்கு மடங்கு அதிகமாகும். 2010-2011 நிதியாண்டில் நான்காம் காலாண்டில் பாரத் பெட்ரோலியம் பெற்ற நிகர லாபம் 935.18 கோடியாக இருந்தது. 2011-2012 முழு நிதி ஆண்டுக்கான நிகர லாபம் ரூ.1,311.27 கோடியாகும்.

நான்காம் காலாண்டில் நிறுவனத்தின் மொத்த விற்பனை ரூ. 65 ஆயிரத்து 80.34 கோடி. முழு நிதியாண்டுக்கான மொத்த வருவாய் ரூ. 2 லட்சத்து 13 ஆயிரத்து 674.75 கோடி என்று பாரத் பெட்ரோலியம் நிறுவனம் தெரிவித்திருக்கிறது.

English summary

India's Bharat Petroleum Corp. Friday reported a more than fourfold jump in its fourth-quarter net profit, helped by government subsidies for selling diesel and cooking fuels at discounted prices.