புதுக்கோட்டையில் ஜூன் 7ம் தேதி 'அம்மா' புயல் வேகப் பிரசாரம்!

புதுக்கோட்டை புதுக்கோட்டை இடைத் தேர்தலில் போட்டியிடும் அதிமுக வேட்பாளர் கார்த்திக் தொண்டைமானை ஆதரித்து முதல்வர் ஜெயலலிதா ஜூன் 7ம் தேதி பிரசாரம் மேற்கொள்ளவுளளார்.

புதுக்கோட்டை இடைத் தேர்தலில் அதிமுகவும், தேமுதிகவும் நேரடிப் போட்டியில் இறங்கியுள்ளன. தேமுதிகவுக்கு நேரடியாகவும், மறைமுகமாகவும் திமுக உள்ளிட்ட கட்சிகள் ஆதரவு தரும் என்று எதிர்பார்க்கப்படுகிறது.

அதிமுக சார்பில் கார்த்திக் தொண்டைமான் போட்டியிடுகிறார். பெயர் அறிவிக்கப்பட்டவுடனேயே அவர் பிரசாரத்தைத் தொடங்கி விட்டார்.

இந்த நிலையில் கார்த்திக்கை ஆதரித்து முதல்வர் ஜெயலலிதா பிரசாரத்தில் குதிக்கிறார். அவர் 7ம் தேதி பிரசாரம் மேற்கொள்ளவுள்ளதாக கூறப்படுகிறது.

புதுக்கோட்டை நகரம் மற்றும் இந்த தொகுதியைச் சேர்ந்த கிராமங்களுக்கு திறந்த வேனில் சென்று பிரசாரம் செய்கிறார். குறிப்பிட்ட இடங்களில் பேசுகிறார். ஒரே நாளில் அத்தனை பகுதிகளுக்கும் செல்லும் வகையில் அவரது பிரசாரத் திட்டம் வகுக்கப்பட்டுள்ளதாக கூறப்படுகிறது.

தேமுதிக வேட்பாளரை ஆதரித்து விஜயகாந்த் ஜூன் 5ம் தேதி பிரசாரம் செய்யவுள்ளது குறிப்பிடத்தக்கது.

புதுக்கோட்டை தேர்தலில் கார்த்திக் தவிர தேமுதிக சார்பில் ஜாகீர் உசேன், இந்திய ஜனநாயகக் கட்சி சார்பில் சீனிவாசன் மற்றும் 17 வேட்பாளர்கள் களத்தில் உள்ளனர்.

English summary

Chief Minister Jayalalitha may campaign in Pudukottai on June 7 in support of her party candidate Karthick Thondaiman.