வலுக்கும் எதிர்ப்புக் குரல்: கத்காரியுடன் நேரில் சந்தித்து ஆலோசனை நடத்துகிறார் மோடி?

டெல்லி: பாரதிய ஜனதா கட்சியில் உட்கட்சி மோதல் மிகவும் உச்சமடைந்துள்ளது. பாஜகவின் பிரதமர் வேட்பாளராக நரேந்திர மோடி முன்னிறுத்தப்படுவதை விரும்பாத அத்வானி உள்ளிட்டோர் மோடியை வறுத்தெடுத்து வருகின்றனர்.

மும்பையில் அண்மையில் நடைபெற்ற பாஜகவின் தேசிய செயற்குழுக் கூட்டத்தில் மோடி பங்கேற்க முடியாது என்று அறிவித்திருந்தார். ஆனால் மோடியை சமாதானப்படுத்தும்விதமாக அவரது உட்கட்சி எதிரியான சஞ்சய் ஜோஷியை கட்சிப் பொறுப்பில் இருந்து ராஜினாமா செய்ய வைத்து மோடி பங்கேற்க வைக்கப்பட்டார். இதுவே கட்சியில் பலருக்கும் கடுப்பை ஏற்றியிருந்தது. கத்காரிக்கு 2-வது முறையாக தலைவர் பதவி நீட்டிப்பு கொடுக்கப்பட்டது இன்னும் பலருக்கு எரிச்சலை உருவாக்கியது. இது போதாதென்று கர்நாடக முன்னாள் முதல்வர் எதியூரப்பாவோ, மோடியை பிரதமர் வேட்பாள்ராக தேசிய செயற்குழு பரிந்துரைக்க வேண்டும் என்று ஒரே போடாகப் போட அத்வானி, சுஷ்மா ஆகியோர் மும்பையைவிட்டே எஸ்கேப்பாகினர்.

இதைத் தொடந்து மோடியை அத்வானியும் பாஜகவின் அதிகாரப்பூர்வ ஊடகமும் விமர்சனம் செய்து வருகின்றன. இந்நிலையில் மாநிலங்களின் திட்டக் குழுக் கூட்டத்துக்காக நரேந்திர மோடி டெல்லி செல்ல இருக்கிறார். டெல்லி செல்லும் மோடி அப்படியே கத்காரியை கொஞ்சம் எட்டிப் பார்த்து நலம் விசாரித்துவிட்டு வரவு திட்டமிட்டுள்ளாராம். கத்காரி, மோடி மீது ஏகக் கடுப்பில் இருக்கும் பெருந்தலைகள் இப்போது டெல்லியில் வைத்து மோடி காட்டப் போகும் வித்தை என்னவோ? என பீதியில் உறைந்து கிடக்கின்றனராம்...

English summary

Amidst reports of a rift within the Bharatiya Janata Party (BJP), Gujarat Chief Minister Narendra Modi is likely to visit Delhi to attend a Planning Commission meet.