பேரனின் பூணூல் விழாவுக்கு வந்த கவாஸ்கர் தந்தை மாரடைப்பால் மரணம்
Subscribe to Oneindia Tamil
பெங்களூர்: முன்னாள் கிரிக்கெட் வீரர் சுனில் கவாஸ்கரின் தந்தை மனோகர் கவாஸ்கர் மாரடைப்பால் மரணம் அடைந்தார்.
முன்னாள் கிரிக்கெட் வீரர் சுனில் கவாஸ்கரின் தந்தை மனோகர் கவாஸ்கர்(88). அவர் தனது மனைவியுடன் தனது மகளும் முன்னாள் கிரிக்கெட் வீரர் குண்டப்பா விஸ்வநாத்தின் மனைவியுமான கவிதாவின் பெங்களூர் வீட்டுக்கு வந்தார். கவிதாவின் மகன் தெய்விக் விஸ்வநாத்தின் பூணூல் விழாவுக்காக அவர்கள் வந்தனர். இந்நிலையில் கடந்த புதன்கிழமை மதியம் நாற்காலியில் உட்கார்ந்திருந்த அவருக்கு திடீர் என்று மாரடைப்பு ஏற்பட்டது.
உடனே டாக்டர் வரவழைக்கப்பட்டார். அவர் பரிசோதித்து பார்த்துவிட்டு அவர் ஏற்கனவே இறந்துவிட்டதாக தெரிவித்தார். அவர் இறந்தபோது சுனில் கவாஸ்கர் துபாயில் இருந்தார். தகவல் அறிந்து அவர் பெங்களூர் புறப்பட்டார்.
Click it and Unblock the Notifications
Sign in with Google