ராணுவத்துக்கு ரூ.54,000 கோடி நிதி ஒதுக்கீடு! : இது பாகிஸ்தான் பட்ஜெட்

இஸ்லாமாபாத்: ராணுவத்திற்காக இந்த நிதி ஆண்டில் ரூ.54 ஆயிரம் கோடி நிதி ஒதுக்கீடு செய்துள்ளது பாகிஸ்தான். இது கடந்த ஆண்டைவிட 10 சதவீதம் அதிகமாகும்.

பாகிஸ்தான் நாடாளுமன்றத்தில் 2012-13 நிதி ஆண்டுக்கான வரவு செலவு திட்டத்தை அந்த நாட்டின் நிதித்துறை அமைச்சர் அப்துல் ஹபீஸ் ஷேக் தாக்கல் செய்தார்.

இந்தப் பட்ஜெட்டில் ராணுவத்துக்கான நிதி ஒதுக்கீடு 10 சதவீதம் உயர்த்தப்பட்டுள்ளது. கடந்த நிதி ஆண்டில் பாகிஸ்தானின் ராணுவ பட்ஜெட் ரூ.49 ஆயிரத்து 500 கோடி.

ஆனால் செலவு ரூ.50 ஆயிரத்து 932 கோடி. இந்த நிலையில் 2012-13 நிதி ஆண்டுக்கான ராணுவ பட்ஜெட் ரூ. 54 ஆயிரத்து 500 கோடி ஆகும். இது பாகிஸ்தானின் மொத்த பட்ஜெட்டில் 18.4 சதவீதம் ஆகும்.

அண்டை நாடான இந்தியாவுடன் ஒப்பிட்டு பாகிஸ்தான் ராணுவ நிதி ஒதுக்கீட்டை அதிகரிப்பதை வாடிக்கையாகக் கொண்டுள்ளது. இந்த ஆண்டு, பாகிஸ்தானுக்கான ஐஎம்எப் நிதி ஒதுக்கீடு குறைந்திருப்பது, பட்ஜெட்டில் ராணுவ நிதி ஒதுக்கீட்டில் சிரமத்தை அளித்திருப்பதாக தகவல்கள் கூறுகின்றன.

English summary

Defending the budget a day after its announcement, Finance Minister Dr Hafeez Shaikh said the government has presented a “balanced budget” that provides “relief” but does not compromise on economic stability, despite the upcoming elections.