குடியரசுத் தலைவர் தேர்தல் வேட்பாளர் குறித்து மன்மோகன்,சோனியாவுடன் ஸ்டாலின் டெல்லியில் ஆலோசனை

டெல்லி: குடியரசுத் தலைவர் தேர்தலுக்கான வேட்பாளர் குறித்து பிரதமர் மன்மோகன்சிங் மற்றும் காங்கிரஸ் தலைவர் சோனியா காந்தியுடன் திமுக பொருளாளர் மு.க.ஸ்டாலின் இன்று நேரில் சந்தித்து ஆலோசனை நடத்தினார்.

பிரதமர் மன்மோகன்சிங்கை அவரது அலுவலகத்தில் ஸ்டாலின் சந்தித்தார். இச்சந்திப்பின் போது நாடாளுமன்ற திமுக குழுத் தலைவர் டி.ஆர்.பாலு உடனிருந்தார். மொத்தம் 5 முதல் 7 நிமிடம் வரை இச்சந்திப்பு நீடித்ததாக கூறப்படுகிறது.

இச்சந்திப்புக்குப் பின்னர் செய்தியாளர்களிடம் பேசிய மு.க.ஸ்டாலின், குடியரசுத் தலைவர் தேர்தல் தொடர்பாக பாதுகாப்பு அமைச்சர் ஏ.கே.அந்தோணியிடம் கருணாநிதி தெரிவித்திருந்த கருத்தையே பிரதமர் மன்மோகன்சிங்கிடம் தாமும் தெரிவித்ததாகக் கூறினார். மேலும் ஐக்கிய முற்போக்குக் கூட்டணி முன்னிறுத்தும் வேட்பாளரையே திமுக ஆதரிக்கும் என்றார் அவர்.

பின்னர் காங்கிரஸ் கட்சித் தலைவர் சோனியா காந்தியையும் ஸ்டாலின் நேரில் சந்தித்துப் பேசினார். இச்சந்திப்பு 15 நிமிட நேரம் நீடித்தது.

English summary

Dravida Munnettra Kazhagam (DMK) leaders T.R. Baalu and M.K. Stalin on Thursday met Prime Minister Manmohan Singh and are believed to have discussed the issue of selection of a candidate for the presidential election.