பிரபல ஹாலிவுட் நடிகை மீது பரபரப்பு செக்ஸ் புகார்!

Published: Wednesday, June 13, 2012, 15:04 [IST]

Subscribe to Oneindia Tamil

பெய்ஜிங்: சீன மற்றும் ஆங்கிலப் படங்களில் நடித்துப் பிரபலமான நடிகை ஷாங் ஷியி மீது பரபரப்பு செக்ஸ் புகார் எழுந்துள்ளது. சீன அரசை நிர்வகித்து வரும் கம்யூனிஸ்ட் கட்சியின் பொலிட்பீரோவில் இடம் பெற்றிருந்த முக்கிய உறுப்பினருடன் அவர் நூற்றுக்கணக்கான கோடி பணத்தை வாங்கிக் கொண்டு செக்ஸ் உறவு கொண்டதாக சர்ச்சை வெடித்துள்ளது. இதையடுத்து அந்த கம்யூனிஸ்ட் தலைவர் பொலிட்பீரோவிலிருந்து நீக்கப்பட்டுள்ளார். ஆனால் புகாரை ஷாங் ஷியி மறுத்துள்ளார்.

சீனாவைச் சேர்ந்தவர் ஷாங் ஷியி. இவர் ஏராளமான சீனப் படங்களிலும், ஆங்கிலப் படங்களிலும் நடித்துள்ளார் கிரவுச்சிங் டைகர் மற்றும் ஹிடன் டிராகன் உள்ளிட்ட படங்களில் நடித்துப் பிரபலமானவர்.

இவரும், சீனக் கம்யூனிஸ்ட் கட்சியின் பொலிட்பீரோவில் உறுப்பினராக இருந்தவருமான போ ஸிலாய் என்பவரும் செக்ஸ் உறவு வைத்துக் கொண்டதாக செய்திகள் வெளியாகியுள்ளன. இந்த செக்ஸ் உறவுக்காக நடிகைக்கு போ ஸிலாய், ரூ. 500 கோடிக்கும் மேல் பணம் கொடுத்ததாகவும் பரபரப்பு ஏற்பட்டுள்து.

இதனால் சீனாவிலும், ஹாங்காங்கிலும் பரபரப்பு ஏற்பட்டுள்ளது. இந்த புகார் வெடித்தவுடனேயே போ ஸிலாய் பொலிட்பீரோவிலிருந்து நீக்கப்பட்டு விட்டார். அதேசமயம், இந்த செக்ஸ் புகாரை நடிகை ஷாங் ஷியி மறுத்துள்ளார்.

தற்போது தெற்கு சீனாவில் படப்பிடிப்பு ஒன்றில் பங்கேற்றுள்ள அவர் இதுகுறித்துக் கருத்துத் தெரிவிக்கையில், இது கற்பனையான ஒரு செய்தி. இதில் சற்றும் உண்மை இல்லை என்று கூறியுள்ளார்.

அமெரிக்காவைசத் சேர்ந்த சீன மொழி இணையதளமான பாக்ஸன்-தான் முதலில் இந்த செய்தியை வெளியிட்டது.

32 வயதாகும் ஷாங் ஷியி, 2007 முதல் 2011 வரை மொத்தம் பத்து முறை போ ஸிலாயுடன் படுக்கையைப் பகிர்ந்து கொண்டார் என்று அந்த செய்தி கூறுகிறது.

இந்த விவகாரம் தொடர்பாக தற்போது சீன அரசும் விசாரணை நடத்தி வருகிறது. போ ஸிலாய், பல பெண்களுடன் செக்ஸ் தொடர்பு வைத்துள்ளவர் என்றும் பரபரப்பாக பேசப்படுகிறது. இதுகுறித்தும் சீன அரசு விசாரித்து வருகிறது.

Published On June 13, 2012