சிபிஎம் எம்.பி. டி.கே.ரங்கராஜனுக்கு திடீர் மூச்சு திணறல்: மருத்துவமனையில் அனுமதி

சென்னை: மார்க்சிஸ்ட் கம்யூனிஸ்ட் கட்சியின் மத்திய குழு உறுப்பினரும், ராஜ்யசபா உறுப்பினருமான டி.கே.ரங்கராஜன் திடீர் உடல் நலக்குறைவு காரணமாக சென்னையில் உள்ள தனியார் மருத்துவமனையில் அனுமதிக்கப்பட்டுள்ளார்.

மார்க்சிஸ்ட் கம்யூனிஸ்ட் கட்சியின் மத்திய குழு உறுப்பினராகவும், ராஜ்யசபா உறுப்பினராகவும் இருப்பவர் டி.கே.ரங்கராஜன். அவர் சென்னை தி.நகரில் உள்ள வீட்டில் வசித்து வருகிறார். நேற்றிரவு அவருக்கு திடீர் என மூச்சுத் திணறல் ஏற்பட்டது.

இதனையடுத்து சென்னை ஆயிரம்விளக்கில் உள்ள அப்பல்லோ மருத்துவமனையில் சிகிச்சைக்காக சேர்க்கப்பட்டார். அங்கு அவருக்கு மருத்துவர்கள் தீவிர சிகிச்சை அளித்து வருகிறார்கள்.

அவரது உடல் நிலையில் தற்போது ஓரளவு முன்னேற்றம் ஏற்பட்டுள்ளதாக மருத்துவமனை நிர்வாகம் தெரிவித்துள்ளது.

English summary

CPM MP TK Rangarajan has been hospitalised after he found it difficult to breathe last night.