ரூ.93க்கு பதில் ரூ.25,800 கட்டணம்: அதிர வைத்த மின்வாரியம்

நெல்லை: நெல்லை கொக்கிரகுளத்தை சேர்ந்த ஹோட்டல் தொழிலாளிக்கு ரூ.93க்கு பதிலாக ரூ.25,800 மின் கட்டணம் வந்ததால் அதிர்ச்சி அடைந்தார்.

நெல்லை மாவட்டம் கொக்கிரகுளம் இளங்கோவடிகள் தெருவைச் சேர்ந்தவர் பிரம்மநாயகம். ஹோட்டல் தொழிலாளி. அவருக்கு கடந்த மாத மின் கட்டணம் ரூ.25,800 என மின்வாரியம் அட்டையில் எழுதிக் கொடுத்தது. இதைப் பார்த்து அதிரிச்சி அடைந்த அவர் மின்வாரிய அலுவலக வசூல் மையத்திற்கு சென்று விளக்கம் கேட்டார்.

கொக்கிரகுளத்திலுள்ள அனைத்து வீடுகளுக்கும் மின் கட்டணம் செலுத்தினால் கூட இவ்வளவுதான் வரும் என முறையிட்டுள்ளார். ஆனால் வசூல் மையத்தில் இருந்தவர்கள் இதை மறுத்து உங்களால் இப்போது முடியாவிட்டால் மாதா மாதம் தவணை முறையில் கட்டுங்கள் என்று தெரிவித்துவிட்டனர். வீட்டையே வேண்டுமானாலும் காலி செய்து விடுகிறேன். நீங்கள் பீசை பிடுங்கிக் கொள்ளுங்கள் என்று கூறிப் பார்த்தார். ஆனாலும் மின்வாரியத்தினர் அசைந்து கொடுக்கவில்லை. அவர் மின் வாரிய அதிகாரிகளை சந்தித்து நுகர்வோர் நீதிமன்றத்தில் வழக்கு தொடர்வதை விட வேறு வழியில்லை என முறையிட்டார்.

இதையடுத்து மின்வாரியம் அவருடைய வீட்டில் மறுபடியும் ரீடிங் எடுத்து பார்த்ததில் மின் மீ்ட்டர் பழுதானது கண்டுபிடிக்கப்பட்டது. அவர் செலுத்த வேண்டிய கட்டணம் ரூ.93 என அறிவித்து அத்தொகையை மின்வாரிய ஊழியர்கள் பெற்றுக் கொண்டனர்.

English summary

Electicity board has stunned a hotel employee by telling him that his monthly electricity bill is Rs.25,800 but the actual one is Rs.93.