பெட்ரோல் விலை லிட்டருக்கு ரூ.2.46 குறைப்பு: சென்னையில் ரூ.3.13 குறைப்பு

டெல்லி: சர்வதேச சந்தையில் கச்சா எண்ணெயின் விலை வீழ்ச்சி அடைந்து வருவதையடுத்து கடந்த மாதம் உயர்த்தப்பட்ட பெட்ரோல் விலை லிட்டருக்கு ரூ.2.46 குறைக்கப்பட்டுள்ளது.

சர்வதே சந்தையில் கச்சா எண்ணெயின் விலை அதிகரித்ததையடுத்து மத்திய அரசு கடந்த மே மாதம் 23ம் தேதி பெட்ரோல் விலையை லிட்டருக்கு ரூ.7.50 உயர்த்தியது. இப்படி பெட்ரோல் விலையை ஒரேயடியாக உயர்த்தியதற்கு நாட்டில் கடும் எதிர்ப்பு கிளம்பியது. அதன் பின்னர் பெட்ரோல் விலை ரூ. 2 வரை குறைக்கப்பட்டது.

இந்நிலையில் சர்வதேச சந்தையில் கச்சா எண்ணெயின் விலை தொடர்ந்து சரிந்து வருவதால் பெட்ரோல் விலை வரும் ஜூலை மாதம் 1ம் தேதி முதல் ரூ.4 வரை குறைக்கப்படும் என்று எதிர்பார்க்கப்பட்டது. இதற்கிடையே வியாழக்கிழமை நள்ளிரவு முதல் பெட்ரோல் விலை குறைக்கப்பட்டுள்ளது. ஆனால் எதிர்பார்த்தபடி லிட்டருக்கு ரூ. 4 குறைக்காமல் வெறும் ரூ.2.46 குறைக்கப்பட்டுள்ளது.

முக்கிய நகரங்களில் பெட்ரோலின் முந்தைய, தற்போதைய விலை விவரம் வருமாறு,

நகரம்	முந்தைய விலை	தற்போதைய விலை
சென்னை	ரூ.75.40	ரூ.72.27
டெல்லி	ரூ.70.24	ரூ.67.78
மும்பை	ரூ. 76.45	ரூ. 73.35
பெங்களூர்	ரூ. 79.61	ரூ.76.39
கொல்கத்தா	ரூ.75.82	ரூ. 72.74

English summary

Petrol prices have been reduced by Rs.2.46 and it is effective from thursday midnight. In Chennai the petrol price is slashed by Rs.3.13.