குடியரசு தலைவர் தேர்தல்: சங்மாவுக்கு ஆதரவு திரட்ட பாஜக தரப்பில் 2 உதவியாளர்கள் நியமனம்

டெல்லி: குடியரசு தேர்தலில் சங்கமாவுக்கு ஆதரவு திரட்டவும், அவரது தேர்தல் பணிகளை கவனிக்கவும் பாஜக சார்பில் 2 உதவியாளர்கள் நியமிக்கப்பட்டுள்ளனர்.

இது குறித்து பாஜக தலைவர் நிதின் கட்காரி வெளியிட்டுள்ள அறிக்கையில் கூறியிருப்பதாவது,

குடியரசு தலைவர் தேர்தலில் பழங்குடியின தலைவரான பி.ஏ.சங்மா போட்டியிடுகின்றார். அவருக்கு பாஜக, அதிமுக, பிஜு ஜனதா தளம் ஆகிய கட்சிகள் தங்கள் ஆதரவை தெரிவித்துள்ளது.

அதேபோல பாஜகவின் கூட்டணிக் கட்சியான சிரோன்மணி அகாலிதளமும் முழு ஆதரவு தெரிவித்துள்ளது.

பாஜக ஆதரவுடன் போட்டியிடும் சங்மாவுக்கு ஆதரவு திரட்டவும், அவரது தேர்தல் பணிகளை கவனிக்கவும் பாஜக கட்சியின் பொதுச் செயலாளர் அனந்தகுமார் மற்றும் கட்சியின் மூத்த தலைவர் எஸ்.எஸ்.அலுவாலியா ஆகியோர் நியமிக்கப்பட்டுள்ளனர் என்று அந்த அறிக்கையில் தெரிக்கப்பட்டுள்ளது.

English summary

BJP leader Nitin Gadkari has announced 2 assistance for the Sangma to help for the Presidental election.