வயிற்று கோளாறு: அப்பல்லோ மருத்துவமனையில் கருணாநிதிக்கு சிகிச்சை

சென்னை: இன்று அதிகாலையில் வயிற்றுக் கோளாறால் அவதிப்பட்ட திமுக தலைவர் கருணாநிதிக்கு, சென்னை அப்பல்லோ மருத்துவமனையில் சிகிச்சை அளிக்கப்பட்டது.

முன்னாள் தமிழக முதல்வரும் திமுக தலைவருமான கருணாநிதி, கட்சி தலைமை அலுவலகமான அண்ணா அறிவாயலத்திற்கு சென்று கட்சி பணிகளை கவனித்து வருகிறார். இந்த நிலையில் நேற்று இரவு உணவு உட்கொண்டு படுக்கைக்கு சென்றார்.

இன்று அதிகாலையில் 1.30 மணி அளவில் கருணாநிதிக்கு திடீரென வயிற்று கோளாறு ஏற்பட்டது. இதனால் அவருக்கு உடல்நலக்குறைவு ஏற்பட்டதை தொடர்ந்து, அதிகாலையில் 2.30 மணி அளவில் சென்னை அப்பல்லோ மருத்துவமனைக்கு கொண்டு செல்லப்பட்டார்.

அங்கு கருணாநிதிக்கு டாக்டர்கள் சிகிச்சை அளித்தனர். இதனையடுத்து காலை 6.30 மணி அளவில் அவரை பரிசோதித்த டாக்டர்கள், அவருக்கு எந்த பாதிப்பும் இல்லை என்று உறுதி அளித்தனர். இதையடுத்து 6.45 மணி அளவில், மருத்துவமனையில் இருந்து கருணாநிதி வீட்டிற்கு அழைத்து வரப்பட்டார். தற்போது அவர் முழுமையாக குணமடைந்துவிட்டதாக டாக்டர்கள் தெரிவித்தனர்.

English summary

DMK leader Kaurnanidhi had treated in the Chennai Apollo hospital after he had stomach problem.