மேற்குவங்கத்தில் வாக்குகளை அள்ளிச் சென்ற பிரணாப் முகர்ஜி

By Mathi

Updated: Sunday, July 22, 2012, 18:30 [IST]

Subscribe to Oneindia Tamil

கொல்கத்தா: குடியரசுத் தலைவர் தேர்தலில் போட்டியிட்ட ஐக்கிய முற்போக்குக் கூட்டணியின் வேட்பாளர் பிரணாப் முகர்ஜி தமது சொந்த மாநிலமான மேற்கு வங்கத்தில் அமோகமான வாக்குகளைப் பெற்றுள்ளார்.

மேற்குவங்கத்தில் பிரணாப் முகர்ஜிக்கு 275 வாக்குகள் கிடைத்தன. இதன் மொத்த மதிப்பு 41525. ஆனால் எதிர்த்துப் போட்டியிட்ட சங்மாவுக்கோ வெறும் 453 வாக்குகள்தான் கிடைத்தன.

மேற்குவங்கத்தில் ஆளும் திரிணாமுல் காங்கிரஸ்தான் முதன் முதலில் பிரணாப் முகர்ஜியை வேட்பாள்ராக நிறுத்த கடும் எதிர்ப்பு தெரிவித்தது. பின்னர் அப்துல்கலாமை நிறுத்த முயற்சித்துப் பார்த்தது. தேர்தலுக்கு 48 மணி நேரத்துக்கு முன்புதான் தமது நிலைப்பாட்டை திரிணாமுல் காங்கிரஸ் தலைவர் மமதா பானர்ஜி வெளிப்படுத்தினார். அப்போதுகூட வேண்டா வெறுப்பாகத்தான் நாங்கள் இந்த முடிவெடுத்திருக்கிறோம் என்று மமதா கூறியிருந்தார்.

மேலும் மாநிலத்தில் எதிர்க்கட்சியான மார்க்சிஸ்ட் கட்சியும்கூட பிரணாப் முகர்ஜிக்கே ஆதரவை தெரிவித்தது. இதனால் பெருவாரியான வாக்குகளை பிரணாப் பெற முடிந்தது.