செங்கோட்டையானால் வேலை பெற்ற ஜெயா டிவி துணைத் தலைவர் டிஸ்மிஸ்!

Published: Sunday, July 22, 2012, 10:59 [IST]

Subscribe to Oneindia Tamil

சென்னை: முதல்வர் ஜெயலலிதாவால், அமைச்சர் பதவியிலிருந்தும், அதிமுக பதவியிலிருந்தும் நீக்கப்பட்ட கே.ஏ.செங்கோட்டையனால் வேலை பெற்றவரான ஜெயா டிவியின் துணைத் தலைவர் ரங்கநாதன் அப்பொறுப்பிலிருந்து தூக்கப்பட்டு விட்டார்.

ஜெயா டிவியில் நிர்வாகப் பிரிவு துணைத் தலைவராக அதாவது வைஸ் பிரசிடென்ட் ஆக இருந்தவர் ரங்கநாதன். இவர் இப்பதவிக்கு வரக் காரணமே கே.ஏ.செங்கோட்டையன்தான். 1991 முதல் 96 வரை செங்கோட்டையன் அமைச்சர் பதவியில் இருந்தபோது அவருடைய சிறப்பு நேர்முக உதவியாளராக இருந்தவர் ரங்கநாதன். இவரது சிபாரிசில்தான் ரங்கநாதனுக்கு நிர்வாகத் துணைத் தலைவர் பதவியைக் கொடுத்தார் ஜெயலலிதா. அது மட்டுமல்லாமல், சட்ட ஆலோசகர் மற்றும் நிதி ஆலோசகராகவும் செயல்பட்டு வந்தார் ரங்கநாதன்.

சமீபத்தில் பல்வேறு சர்ச்சைகளில் சிக்கி கே.ஏ.செங்கோட்டையன் அமைச்சர் பதவியையும், அதிமுக தலைமை நிலைய செயலாளர் பதவியையும் இழந்தார். இந்த நிலையில் தற்போது ரங்கநாதனையும் விரட்டி விட்டார் ஜெயலலிதா.

அவர் மட்டுமல்லாமல், நெட்ஒர்க் பொறுப்பாளர் மஞ்சுநாத், முன்னாள் நிர்வாக இயக்குநர் அனுராதாவின் பி.ஏ. ஜனார்த்தனம் ஆகியோரையும் நீக்கி விட்டார்.

பல்வேறு முறைகேடுகள் காரணமாக இவர்கள் அனைவரும் நீக்கப்பட்டுள்ளதாக கூறப்படுகிறது.

Published On July 22, 2012