இனி வெறும் வெள்ளைத் தாளில் சிகரெட்கள்.. எழுத்துக்கள் கூடாது!

Updated: Wednesday, July 25, 2012, 9:13 [IST]

Subscribe to Oneindia Tamil

டெல்லி: இந்தியாவில் தயாரிக்கப்படும் சிகரெட்கள் சுற்றப்பட்ட காகிதத்தில் எந்த எழுத்தும் இல்லாமல் வெறுமையான வெள்ளை காகிதத்தை சுற்றியது போல இருக்குமாறு தயாரிக்க மத்திய அரசு ஆலோசனை வழங்கி உள்ளது.

இந்தியாவில் தயாரிக்கப்படும் சிகரெட்களில் தயாரிப்பு நிறுவனத்தின் பெயர், சிகரெட் பயன்படுத்துவதால் கெடுதல் ஏற்படும் என்பதை குறிக்கும் படம் ஆகியவை அச்சிடப்பட்டிருக்கும். இதன் மூலம் இந்தியாவில் சிகரெட் குடிப்பவர்களின் எண்ணிக்கையை குறைக்க மத்திய அரசு திட்டமிட்டது.

ஆனால் நாட்டில் சிகரெட் குடிப்பவர்களின் எண்ணிக்கை அதிகரித்து கொண்டே போகிறது தவிர குறைந்தபாடில்லை. இந்த நிலையில் ஆஸ்திரேலியாவில் உள்ள சிகரெட் தயாரிப்பு நிறுவனங்கள், வெறும் வெள்ளை காகிதம் சுற்றியது போல சிகரெட் மீது எந்த எழுத்தும் இல்லாமல் சிகரெட்கள் தயாரிக்கின்றன.

இதனால் ஆஸ்திரேலியாவில் சிகரெட் குடிப்பவர்களின் எண்ணிக்கை குறைந்து வருகிறதாம். இதையடுத்து இந்தியாவில் சிகரெட் குடிப்பவர்களின் மனநிலையிலும் மாற்றம் ஏற்படுத்தும் வகையில், இந்தியாவிலும் சிகரெட்களை வெறும் வெள்ளை தாள் சுற்றிய சிகரெட்களை தயாரிக்குமாறு, மத்திய சுகாதாரத் துறை ஆலோசனை வழங்கி உள்ளது.