பாஜகவின் குற்றச்சாட்டுகளுக்கு அதிரடியான பதிலடி கொடுங்கள்: எம்.பி.க்களை உசுப்பிவிடும் சோனியா

டெல்லி: நிலக்கரி சுரங்க ஒதுக்கீட்டு ஊழலில் தற்காப்பு நிலையில் இருந்து தாக்குதல் நிலைக்கு மாறுமாறு கட்சியின் இளம் எம்.பிக்களை காங்கிரஸ் தலைவர் சோனியா காந்தி உசுப்பிவிட்டிருக்கிறார்.

நிலக்கரி சுரங்க ஒதுக்கீட்டு ஊழலில் பிரதமர் மன்மோகன்சிங் பதவி விலகியாக வேண்டும் என்பதில் பாஜக உறுதியாக இருக்கிறது. இந்த கோரிக்கையை வலியுறுத்தி கடந்த 3 நாட்களாக பாஜக எம்.பி.க்கள் நாடாளுமன்ற இரண்டு அவைகளையும் முடக்கி வைத்துள்ளனர்.

இந்நிலையில் காங்கிரஸ் தலைவர் சோனியாவை காங்கிரஸின் இளம் எம்.பிக்களான சந்தீப் தீட்சித், தீபிந்தர், மிர்தா உள்ளிட்டோர் நேற்று சந்தித்தனர். அப்போது அவர்களிடம் பேசிய சோனியா, பாரதிய ஜனதாவின் கருத்துகளுக்கு பதில் கருத்துகளைக் கூறாமல் அதிரடி பதிலடியைக் கொடுங்கள் என்று உசுப்பிவிட்டிருக்கிறார் சோனியா.

முன்னதாக ஐக்கிய முற்போக்கு கூட்டணியின் ஒருங்கிணைப்புக் குழுக் கூட்டத்திலும் பிரதமர் பதவி விலக வேண்டும் என்ற பாஜகவின் அமளி பற்றி ஆலோசிக்கப்பட்டது. அரசியல் லாபத்துக்காகவே நாடாளுமன்றத்தை எதிர்க்கட்சிகள் முடக்கியுள்ளன என்று காங்கிரஸ் கூட்டணி கட்சிகள் கருத்து தெரிவித்திருந்தன.

English summary

A combative Sonia Gandhi on Thursday asked Congress MPs not to be defensive on the CAG report on coal blocks allocation and to aggressively counter the offensive launched by the BJP which is demanding the resignation of Prime Minister Manmohan Singh on the issue. Gandhi told a group of Congress MPs from Lok Sabha and Rajya Sabha, who met her this morning after the BJP-led opposition forced adjournments in both Houses, to take the Opposition onslaught head on and not be defensive.