இலங்கையிலிருந்து ஆஸ்திரேலியாவுக்கு படகு மூலம் செல்ல முயற்சி: 74 தமிழர்- 24 சிங்களர் கைது

மட்டக்களப்பு: இலங்கையில் இருந்து இரண்டு படகுகள் மூலம் ஆஸ்திரேலியாவுக்கு புகலிடம் கோரி சென்று கொண்டிருந்த 74 தமிழர் மற்றும் 24 சிங்களரை இலங்கை கடற்படை கைது செய்துள்ளது.

இலங்கையின் மேற்கு சிலாபம் மற்றும் மட்டக்களப்பு கடற்பரப்பில் சென்று கொண்டிருந்த இரு ஆழ்கடல் மீன்பிடி படகுகளை இலங்கை கடற்படை நேற்று வழிமறித்து சோதனை நடத்தியது. அதில் யாழ்ப்பாணம், முல்லைத்தீவு, கொழும்பு, நீர்க்கொழும்பு, சிலாபம், வவுனியா, புத்தளம், கலகமுவ, திருகோணமலை, மூதூர், அம்பாறை, மட்டக்களப்பு மற்றும் கிண்ணியா ஆகிய பிரதேசங்களை சேர்ந்த 74 தமிழர்கள் மற்றும் 24 சிங்களர் இருந்தனர். அனைவரும் ஆஸ்திரேலியாவுக்கு புகலிடம் கோரி சென்று கொண்டிருப்பதாகக் கூறியுள்ளனர்.

இதையடுத்து அனைவரையும் கைது செய்து திருகோணமலை துறைமுகத்துக்கு கொண்டுவந்த இலங்கை கடற்படை சிஐடி போலீசாரிடம் கூடுதல் விசாரணைக்காக ஒப்படைத்திருக்கிறது.

இலங்கையிலிருந்து தமிழரும் சிங்களரும் தொடர்ந்து ஆஸ்திரேலியாவுக்கு தஞ்சம் கோரி வெளியேறி வருவதும் அவர்களை இலங்கை கடற்படை நடுக்கடலில் வழிமறிப்பதும் தொடர் கதையாகிக் கொண்டிருக்கிறது.

English summary

Sri Lanka Navy arrested 98 persons bound for Australia in 02 multi-day trawlers on 25th August 2012. A trawler named “ Ann Mishal ” with 77 persons including 53 Tamils (52 men and 1 woman) and 24 Sinhalies on board and the other multi-day trawler with 21 persons including 19 Tamils and 02 Muslims on board were intercepted West of Chilaw and East of Batticaloa respectively.