இன்போசிஸ் நிறுவனத்தில் இருந்து மூத்த அதிகாரி விலகல்-விப்ரோவில் சேருகிறார்

பெங்களூர்: இன்போஸிஸ் நிறுவனத்தின் நிதிச் சேவைகள் இருந்து மூத்த அதிகாரி ஒருவர் விலகி, விப்ரோ நிறுவனத்தில் சேரவுள்ளார்.

இன்போசிஸ் நிறுவனத்தின் துணைத் தலைவரும் அமெரிக்க நிதிச் சேவைகள் பிரிவின் தலைவருமான ஷாஜி பரூக் தனது பதவியை ராஜினாமா செய்துள்ளார். அவர் விப்ரோ நிறுவனத்தில் இணையப் போவதாகத் தெரிகிறது.

20 வருட சாப்ட்வேர் துறை அனுபவம் கொண்ட பரூக், இன்போசிஸ் நிறுவனத்தில் கடந்த 10 ஆண்டுகளாகப் பணியாற்றி வந்தார். இவர் தலைமை வகித்து வந்த அமெரிக்க நிதிச் சேவைகள் பிரிவு தான் இன்போசிஸ் நிறுவனத்தின் வருவாயில் அதிக பங்கு வகித்து வருகிறது.

இந் நிலையில் இவரது விலகல் குறித்து இன்போசிஸ் கருத்துத் தெரிவிக்க மறுத்துவிட்டது. இது குறித்து பின்னர் கருத்து சொல்வதாக விப்ரோ கூறியுள்ளது.

இன்போசிஸ் நிறுவனத்தில் இருந்து கடந்த ஓராண்டில் 3 டாப் அதிகாரிகள் விலகியுள்ளனர். அதன் இயக்குனர் குழுவில் இருந்த மோகன்தாஸ் பய், விற்பனைப் பிரிவு அதிகாரி சுபாஷ் தர், இன்போசிஸ் பிபிஓ பிரிவின் தலைமை செயல் அதிகாரி ரிதேஷ் இதானி ஆகியோர் கடந்த ஓராண்டில் ராஜினாமா செய்துள்ளனர்.

English summary

In yet another senior-level exit at software major Infosys, Shaji Farooq, senior vice-president and head of financial services, Americas at Infosys has quit. From people familiar with the development it is learned that Shaji Farooq is headed to rival Wipro.