டீசல் விலை அதிகரிப்பால் ஆம்னி பஸ் கட்டணமும் உயர்ந்தது

சென்னை: மத்திய அரசு டீசல் விலையை உயர்த்தியதையடுத்து ஆம்னி பஸ் கட்டணமும் உயர்த்தப்பட்டுள்ளது.

ஆம்னி பஸ் ஆபரேட்டர்கள் கட்டணத்தை ரூ.30 வரை உயர்த்தியுள்ளனர். இந்த கட்டண உயர்வு நேற்று முன்தினம் முதல் அமலுக்கு வந்துள்ளது.

சாதாரண பஸ்களுக்கு ரூ.30ம், ஏ.சி, படுக்கை வசதி மற்றும் வால்வோ மல்டி ஆக்சில் பஸ்களுக்கு ரூ.20ம் கட்டணம் உயர்த்தப்பட்டுள்ளது.

உதாரணத்துக்கு சென்னையில் இருந்து திருநெல்வேலிக்கு சாதாரண ஆம்னி பஸ்களில் கட்டணம் ரூ.590 ஆக உயர்ந்துள்ளது. ஏசி, வால்வோ மல்டி ஆக்சில் கட்டணம் ரூ.950 கட்டணம் ஆக உயர்ந்துள்ளது.

அரசு விரைவு பேருந்துகளில் (அல்ட்ரா டீலக்ஸ்) இந்தக் கட்டணம், முன்பதிவுக் கட்டணமான ரு.25யை சேர்த்து ரூ.465 ஆக உள்ளது. அரசு ஏ.சி. பஸ்களில் கட்டணம் ரூ.585 ஆகும்.

அரசு பஸ்சை விட ஆம்னி ஏ.சி பஸ்களில் கட்டணம் ரூ.365 அதிகமாகவும், சாதாரண பஸ்களில் ரூ.125 அதிகமாகவும் உள்ளது.

English summary

Private Omni bus operators of Tamil Nadu have increased the fares following the diesel price hike