காங்கிரஸ் கட்சிக்கு ரூ556 கோடி வரிச் சலுகை கொடுத்த வருமான வரித்துறை

டெல்லி: காங்கிரஸ் கட்சிக்கு ரூ556 கோடி வரி சலுகையை வருமான வரித்துறை கொடுத்தது அம்பலமாகியுள்ளது.

அண்மைக்காலமாக அரசியல் கட்சிகளுக்கு வருமானம் கொட்டி வருகிறது. காங்கிரஸ் கட்சிக்கு கடந்த 5 ஆண்டுகளில் ரூ. 1659 கோடி வருமானம் கிடைத்திருக்கிறது. பாரதிய ஜனதா கட்சிக்கு ரூ851 கோடியும் பகுஜன் சமாஜ்வதி கட்சிக்கு ரூ468 கோடியும் வருமானம் பெற்றிருக்கிறது.

இந்த வருமானத்துக்கு செலுத்தப்பட வேண்டிய வருமான வரியை செலுத்தாமல் மக்களுக்கு சேவை செய்தோம் என்று கூறி வரிச் சலுகை பெற்றிருக்கின்றன அரசியல் கட்சிகள். இது ஒரு வகையில் வரி ஏய்ப்புதான்! இந்த வரி ஏய்ப்பில் எல்லா கட்சிகளுமே கூட்டுக் களவானிகளாகவே இருக்கின்றன!

காங்கிரஸ் கட்சிக்கு ரூ556 கோடி வரிச் சலுகை கிடைத்திருக்கிறது. பாஜகவுக்கு ரூ281 கோடி, பகுஜன் சமாஜ் கட்சி ரூ96 கோடி, சி.பி.எம்.க்கு ரூ67 கோடி, தேசியவாத காங்கிரஸ் கட்சிக்கு ரூ32 கோடி வரி விலக்கு பெற்றிருக்கிறது.

ஆனால் வரி விலக்கு பெற்ற கட்சிகள் எந்த அடிப்படையில் மக்கள் நலனுக்கு செலவிட்டது என்ற விவரத்தை எந்த கட்சியுமே தெரிவிக்கவில்லை.

English summary

Four major political parties in India have got Rs. 1,033 crore from the government in form of income tax exemption, replies received from the income tax department under the transparency law has revealed.