லெஸ்பியன் மகளை மணப்பவருக்கு ரூ.357.5 கோடி: ஹாங் காங் தொழில் அதிபர் அறிவிப்பு

ஹாங் காங்: தனது லெஸ்பியன் மகளை திருமணம் செய்துகொள்பவருக்கு ரூ.357.5 கோடி அன்பளிப்பாகத் தருவதாக ஹாங் காங்கைச் சேர்ந்த கோடீஸ்வர தொழில் அதிபர் அறிவித்துள்ளார்.

ஹாங் காங்கைச் சேர்ந்தவர் செசில் சாவ். ரியல் எஸ்டேட் அதிபர், கப்பல் உரிமையாளர். கோடீஸ்வரரான அவருக்கு இன்னும் திருமணமாகவில்லை. ஆனால் அவருக்கு ஜிஜி சாவ் என்ற மகள் உள்ளார். ஜிஜி மான்செஸ்டர் பல்கலைக்கழகத்தில் படித்துவிட்டு தொழில் அதிபராக உள்ளார். அவரும், சீன் ஈவ் என்ற பெண்ணும் கடந்த 7 ஆண்டுகளாக காதலித்து வந்தனர். இந்நிலையில் ஜிஜி இந்த ஆண்டு துவக்கத்தில் தனது உயிர் காதலியை பிரான்ஸில் வைத்து மணந்து கொண்டார் என்று கூறப்படுகிறது.

ஆனால் ஜிஜிக்கு இன்னும் திருமணமாகவில்லை என்று அவரது தந்தை கூறுகிறார். இந்நிலையில் தனது மகளைத் திருமணம் செய்துகொள்பவருக்கு ரூ.357.5 கோடி அன்பளிப்பாகத் தருவதாக செசில் அறிவித்துள்ளார். இந்த அறிவிப்பைக் கேட்ட பலர் ஜிஜியை திருமணம் செய்ய முன்வந்துள்ளனர்.

ஹாங்காங்கில் ஓரினச்சேர்க்கையாளர்களுக்கு அங்கீகாரம் கிடையாது என்பது குறிப்பிடத்தக்கது.

English summary

Cecil Chao, a Hong Kong Billionaire has announced a reward of Rs.357.5 crore for any man who would marry his lesbian daughter Gigi Chao.