ஐன்ஸ்டீனை விட எக்கச்சக்கமான ஐக்யூவுடன் திகழும் 12 வயது சிறுமி

லண்டன்: ஆலப்ர்ட் ஐன்ஸ்டீன் மற்றும் ஸ்டீபன் ஹாக்கிங் ஆகியோரை விட அதிக அளவிலான ஐக்யூவுடன் திகழ்கிறார் இங்கிலாந்தைச் சேர்ந்த 12 வயது சிறுமி ஒருவர்.

இவரது ஐக்யூவின் அளவு 162 ஆகும். இது அனைவரையும் வியப்பில் ஆழ்த்தியுள்ளது. ஐன்ஸ்டீன் மற்றும் ஹாக்கிங்கை விட அதி புத்திசாலி இந்தச் சிறுமி என்று அனைவரும் புகழ்கின்றனர்.

இவரது பெயர் ஒலிவியா மானிங். லிவர்பூலைச் சேர்ந்தவர். இவரது ஐக்யூ மிகச் சிறந்தது என்று உலகப் புகழ் பெற்ற மற்றும் உலகின் மிகப் பழமையான ஐக்யூ கழகமான மென்சா கூறியுள்ளது.

ஒலிவியாவுக்கு வைக்கப்பட்ட ஐக்யூ டெஸ்ட்டில் அவரு 162 என்று ஸ்கோர் செய்துள்ளார். இது ஐன்ஸ்டீன் மற்றும் ஹாக்கிங்கை விட 2 அதிகமாகும்.

உலக மக்களில் 1 சதவீதம் பேர்தான் மிக மிக அதிக ஐக்யூவைக் கொண்டவர்கள் ஆவர். அந்த வரிசையில் தற்போது ஒலிவியாவும் சேர்ந்துள்ளார். அதுவும் முதல் நிலை இடத்தைப் பிடித்துள்ளார்.

ஒலிவியாவுக்கு எந்த விஷயமாக இருந்தாலும் உடனே அதை கிரகித்துக் கொள்ளும் அசாதாரணமான சக்தி இருக்கிறதாம். மேலும் எந்தத் தகவலையும் அவர் மறக்கவே மாட்டார். எப்போது கேட்டாலும் டக்கென சொல்லி விடுவாராம்.

English summary

With an IQ of 162, a 12-year-old schoolgirl in UK has been rated brainier than even Albert Einstein and Stephen Hawking. Olivia Manning, from Liverpool, has been accepted into Mensa, the largest and oldest high IQ society in the world after she got a score of 162 in an Intelligence test.