பிலாவல் பிரச்சினைக்கு மத்தியிலும் வழக்கம் போல உலகப் பிரச்சினைகளில் ஹீனா!

Updated: Friday, October 5, 2012, 19:12 [IST]

Subscribe to Oneindia Tamil

இஸ்லாமாபாத்: பிலாவல் பூட்டோவுடன் காதல், சர்தாரியை மிரட்டினார், சுவிட்சர்லாந்துக்குப் போய் செட்டிலாகப் போகிறார் என்று ஹீனாவைச் சுற்றி சர்ச்சைச் செய்திகள் உட்கார்ந்து கும்மியடித்துக் கொண்டிருந்தாலும், அதைப் பற்றி சற்றும் கவலைப்படாமல் தனது வேலையில் மும்முரமாக இருக்கிறார் ஹீனா.

பெனாசிரின் மகன் பிலாவல் பூட்டோவுக்கும், பாகிஸ்தான் வெளியுறவு அமைச்சர் ஹீனா ரப்பானிக்கும் இடையே கள்ளக்காதல் என்பதுதான் பாகிஸ்தானில் இன்று முக்கிய விவாதமாக உள்ளது. இதுதொடர்பாக ஏகப்பட்ட செய்திகள் வந்தவண்ணம் உள்ளன.

ஆனால் ஹீனா வழக்கம் போல தனது வேலையைப் பார்த்துக் கொண்டுதான் உள்ளார். தனது அன்றாட அலுவல்களை அவர் தொடர்ந்து பார்த்து வருகிறார் என்று செய்திகள் கூறுகின்றன. இந்த நிலையில் பாகிஸ்தானுக்கு வந்த ரஷ்ய வெளியுறவு அமைச்சர் செர்ஜி லவரோவுடன் ஆப்கானிஸ்தான் பிரச்சினை குறித்து முக்கிய விவாதம் நடத்தியுள்ளார் ஹீனா.

பின்னர் அவர் செய்தியாளர்களிடம் பேசுகையில், ஆப்கானிஸ்தான் குறித்த ரஷ்யாவின் நிலைப்பாட்டை பாகிஸ்தான் ஆதரிக்கிறது என்று தெரிவித்தார்.

பரவாயில்லை, எத்தனை பிரச்சினைகள் இருந்தாலும் கொடுத்த வேலையை சரியாக பார்க்க வேண்டும் என்று சொல்வார்கள், அந்த வகையில் அதை ஹீனா சரியாகத்தான் செய்து கொண்டிருக்கிறார்...!