மார்பில் முடி இல்லாத ஆண்களையும் பெண்களுக்குப் பிடிக்குமாம்!
பெண்களின் டேஸ்ட் இதுதான் என்று எதையுமே தீர்க்கமாக கூற முடியாது. ஒவ்வொரு சமயத்திலும் தங்களது விருப்பங்களை மாற்றிக் கொள்வார்கள். பொதுவாக மார்பில் எக்கச்சக்க முடியுடன் இருக்கும் ஆண்களைத்தான் பெண்களுக்கு ரொம்பப் பிடிக்கும் என்று கூறுவார்கள். ஆனால் இப்போது பெண்களின் ரசிப்புத் தன்மை மாறி விட்டது போலும், மார்பில் ஒரு முடி கூட இல்லாமல், சுத்தமாக ஷேவ் செய்து வைத்திருந்தாலும் கூட பெண்களுக்கு ரொம்பப் பிடிக்கிறதாம்.
ஷேவ் செய்தாலும் பிடிக்குமாம்..!
மார்பில் முடியுடன் கூடிய ஆண்களை, முடியுடனும், பின்னர் ஷேவ் செய்து மொழு மொழுவென மாற்றியும் இந்த ஆய்வில் ஈடுபடுத்தினர். அப்போது ஆய்வில் கலந்து கொண்ட பெண்களில் 20 சதவீத பேர் மட்டுமே முடியுடன் கூடிய ஆண்களைப் பிடித்திருக்கிறது என்று கூறினார்களாம். மற்றவர்கள் முடி இல்லாத ஆண்கள்தான் சூப்பர் என்று ஒரே குரலில் கூறினார்களாம்.
காரணம் சொல்லத் தெரியாத பெண்கள்!
ஏன் முடியே இல்லாத ஆண்களைப் பிடித்திருக்கிறது என்பதற்கான காரணத்தை அந்தப் பெண்கள் சொல்லவில்லையாம். சில பெண்கள் மட்டும், முடி இருந்தால் அதில் பேன், பொடுகு போன்றவை இருக்க வாய்ப்பிருக்கிறது, அது எங்களையும் ஒட்டிக் கொண்டும், முடி இல்லாமல் இருந்தால் இந்தப் பிரச்சினையே இல்லையே என்று சிரித்தபடி கூறினார்களாம். ஆனால் இதை பெரிய காரணமாக ஆய்வாளர்கள் ஏற்கவில்லை. வேடிக்கைக்காக இப்படி சொல்கிறார்கள் என்று கூறியுள்ளனர் அவர்கள்.
ஒரு முடி கூட இல்லாமல் இருக்கோணும்!
இந்த ஆய்வில் ஈடுபடுத்தப்பட்ட பெண்கள் துருக்கி மற்றும் ஸ்லோவேகியாவைச் சேர்ந்தவர்கள் ஆவர். இவர்களுக்கு ஆண்களுக்கு உடலில் ஒரு இடத்தில் கூட முடியே இல்லாமல் இருந்தால்தான் தங்களுக்கு ரொம்பப் பிடிக்கும் என்று கூறினராம்.
நம்ம ஊர் பெண்களின் கருத்து என்னவோ..?
ஏற்கனவே இதேபோன்ற ஆய்வை சீனா, நியூசிலாந்து, கலிபோர்னியா ஆகிய பகுதிகளிலும் எடுத்தனர். அப்போது பெரும்பாலான பெண்கள் முடியே இல்லாத ஆண்களையே விரும்புவதாக தெரிவித்தனர். காமரூனில் முடி உள்ள ஆண்களுக்கே பெண்களின் ஓட்டு அதிகம் விழுந்தது.
இது கிடக்கட்டும், நம்ம ஊர் பெண்களின் ஆதரவு யாருக்கோ...!
Click it and Unblock the Notifications
Sign in with Google