'பிரேக்' எடுக்காம வேலை பார்க்காதீங்க, ரத்தம் உறைஞ்சு செத்துப் போயிருவீங்க!

லண்டன்: வேலை செய்யும்போது, எந்தவித இடைவெளியும் இல்லாமல் தொடர்ந்து பணியாற்றி்னால் டீப் வெயின் திராம்போசிஸ் (deep vein thrombosis-DVT) என்ற ரத்த உறைவு ஏற்பட்டு மரணம் சம்பவிக்கும் என ஆய்வாளர்கள் கூறியுள்ளனர்.

இங்கிலாந்தில் இந்த டிவிடி எனப்படும் ரத்த உறைதலால் இறப்போரின் எண்ணிக்கை நாளுக்கு நாள் அதிகரித்து வருகிறதாம். இடைவிடாமல் தொடர்ந்து உட்கார்ந்தபடி வேலையில் ஈடுபடுவதால் வரும் வினையாம் இது.

வேலையில் மூழ்கிவிடுவது ஆபத்தான செயல்...

பல ஊழியர்கள் தொடர்ந்து உட்கார்ந்து கொண்டே வேலை பார்ப்பதோடு இல்லாமல், உட்கார்ந்த இடத்திலேயே சாப்பாட்டையும் முடித்து விட்டு தொடர்ந்து வேலையில் மூழ்கிப் போய் விடுகிறார்களாம். இதுவும் பெரும் ஆபத்தான செயல் என்று ஆய்வாளர்கள் கூறுகின்றனர்.

ஒரு நாளைக்கு 10 பேருக்காவது இந்த டிவிடி பிரச்சனை ஏற்பட்டு மரணம் வரை போகும் அபாயகரமான நிலையில் இங்கிலாந்து தற்போது உள்ளதாம்.

10 மணி நேரம் வரை கூட பிரேக்கே இல்லாமல்....

குறிப்பாக 21 முதல் 30 வயது வரையிலானவர்களுக்கே அதிக அளவில் டிவிடி பிரச்சினை வருகிறது. இவர்கள் தொடர்ந்து 10 மணி நேரம் வரை கூட பிரேக்கே இல்லாமல் வேலை செய்பவர்களாக உள்ளதால்தான் இவர்களை அதிக அளவில் டிவிடி தாக்குகிறதாம். கடந்த 2010ம் ஆண்டு இங்கிலாந்தில் டிவிடி காரணமாக 3798 பேர் உயிரிழந்துள்ளனராம்.

டிவிடி என்பது நமது நுரையீரலுக்குச் செல்லும் ரத்தக் குழாயில் ஏற்படும் ரத்தம் உறைதல் ஆகும். இங்கிலாந்தில் வருடத்திற்கு 60,000 பேர் இந்த பாதிப்பு காரணமாக மருத்துவமனையில் சேர்க்கப்படுகின்றனராம்.

சைலன்ட் கில்லர்...அறிகுறியே இருக்காது...

இந்த பாதிப்பை உடனடியாக கண்டு கொள்ள முடியாது. சைலன்ட் கில்லர் என்று கூறும் வகையில் எந்தவிதமான அறிகுறியையும் காட்டாமல் சட்டென்று உயிரைப் பறித்து விடும் அபாயகரமான பிரச்சினை என்றும் டாக்டர்கள் தெரிவிக்கின்றனர்.

டிவிடி பாதிப்புக்குள்ளாவோருக்கு வலியோ, வீக்கமோ அல்லது வேறு எந்த அறிகுறியோ தெரிவதில்லையாம்.

அவ்வப்போது பிரேக் எடுக்க வேண்டும்...

டிவிடியைத் தவிர்க்க ஒரே வழி புகை பிடிப்பதை நிறுத்த வேண்டும், எடையைக் குறைத்துக் கட்டுக்குள் வைத்துக் கொள்ள வேண்டும், சாப்பாட்டில் கொழுப்பு, உப்பு அதிகம் இல்லாதவாறு பார்த்துக் கொள்ள வேண்டும், ஒரே இடத்தில் நீண்ட நேரம் உட்காராமல் அவ்வப்போது பிரேக் எடுத்துக் கொள்ள வேண்டும் என்று மருத்துவர்கள் அறிவுறுத்துகின்றனர்.

எல்லாம் ஓ.கே. இது நம்ம பாஸூக்குத் தெரியாதே!

English summary

The number of Brits dying of DVT is soaring as more and more workers eat at their desk and fail to get up for a break. Figures highlighted by DVT charity Lifeblood have revealed ten people a day are now dying of the condition. Research has shown nearly 75 per cent of office staff aged 21 to 30 and working 10-hour days, do not get up to take a break. This doubles the chances of them getting deep vein thrombosis, according to the charity.