பாலியல் வன்முறை... ஆஸி. பிரதமர் கருத்துக்கு 'ரேப்' கேஸில் சிக்கிய டைசன் ஆதரவு!

சிட்னி: பெண்கள் மீதான துவேஷம், வன்முறை ஆகியவற்றுக்கு எதிராக பேசியுள்ள ஆஸ்திரேலிய பிரதமர் ஜூலியா கிலார்டுக்கு, முன்னாள் குத்துச் சண்டை சாம்பியன் மைக் டைசன் ஆதரவு தெரிவித்துள்ளார்.

இதில் ஆச்சரியம் என்னவென்றால் 18 வயதுப் பெண்ணை கொடூரமாக சித்திரவதை செய்து பாலியல் பலாத்காரம் செய்து சிக்கிக் கைதானவர் டைசன் என்பதுதான்.

1992ம் ஆண்டு இந்த பலாத்கார வழக்கில் சிக்கி கைதாகி ஆறு வருடம் சிறைத் தண்டனையும் அனுபவித்தார் டைசன் என்பது நினைவிருக்கலாம். அப்படிப்பட்ட டைசன், பெண்களுக்கு எதிரான வன்கொடுமை, பாலியல் கொடுமைகளுக்கு எதிராக பேசியுள்ள கிலார்டுக்கு தான் ஆதரவு தெரிவிப்பதாக கூறியுள்ளது ஆச்சரியத்தை ஏற்படுத்தியுள்ளது.

இதுகுறித்து டைசன் கூறுகையில், ஆஸ்திரேலிய டிவியில் பிரதமர் ஜூலியா பேசியதை நானும் கேட்டேன். அவரது பேச்சு சரியானதுதான், அதை நான் ஆதரிக்கிறேன் என்று கூறியுள்ளார்.

English summary

Australian Prime Minister Julia Gillard's scathing speech against sexism won unlikely backing from controversial former heavyweight boxing champion Mike Tyson today, who said history was on her side. Tyson, who was sentenced to six years in prison in 1992 for raping an 18-year-old woman, said he watched Gillard's speech against misogyny on television in Australia, where he is on a speaking tour and thought she had a point.