ரூ.71 லட்சமெல்லாம் ஒரு மத்திய அமைச்சருக்கு ஜுஜுபி...: மத்திய அமைச்சர் பேனி பிரசாத் வர்மா

டெல்லி: அறக்கட்டளை மோசடியில் சிக்கியுள்ள மத்திய சட்ட அமைச்சர் சல்மான் குர்ஷித்தைக் காப்பாற்றுகிறேன் பேர்வழி என்று சர்ச்சையில் சிக்கியிருக்கிறார் மத்திய அமைச்சர் பேனி பிரசாத் வர்மா. சல்மான் குர்ஷித் அறக்கட்டளை மூலமாக ரூ71 லட்சம் மோசடி செய்தார் என்பது கெஜ்ரிவால் குழுவின் குற்றச்சாட்டு.

இது தொடர்பாக கருத்து தெரிவித்திருந்த மத்திய அமைச்சர் பேனி பிரசாத் வர்மா, ஒரு மத்திய அமைச்சர் ரூ71 லட்சம் மோசடி செய்தார் என்பதெல்லாம் நம்பும்படியாக இல்லை. ஏனெனில் ஒரு மத்திய அமைச்சருக்கு ரூ71 லட்சம் ரூபாய் என்பது மிகக் குறைந்த தொகையாகும். இதுவே ரூ71 கோடியாக இருந்தால் சீரியசான விஷயமாக எடுத்துக் கொள்ளலாம் என்று அவர் கூறியுள்ளார்.

பேனி பிரசாத் வர்மாவின் பேச்சுக்கு அனைத்துத் தரப்பும் கடும் எதிர்ப்புத் தெரிவித்திருக்கிறது. இது தொடர்பாக கருத்து தெரிவித்துள்ள பாஜக மூத்த தலைவர் அருண் ஜேட்லி, ஓஹோ! ஸ்பெக்ட்ரம் ஊழலில் ரூ1.76 லட்சம் கோடி, நிலக்கரி சுரங்க ஒதுக்கீட்டு ஊழலில் ரு1.86 லட்சம் கோடி என ஊழல் செய்த உங்கள் அரசாங்கத்துக்கு ரூ71 லட்சம் என்பது ரொம்பக் குறைவுதான் என்று சாடியுள்ளார்.

English summary

Gaffe-prone Union minister of steel Beni Prasad Verma was at it again on Monday. The minister, whose indiscretions have been a bugbear for UPA, rubbished allegations against Salman Khurshid's NGO by arguing that Rs 71 lakh was too small an amount for a Union Cabinet member.