ஹரியானாவை நினைத்தால் வெட்கமாக இருக்கிறது- முதல்வரின் மனைவி கருத்து!

Updated: Thursday, October 18, 2012, 19:10 [IST]

Subscribe to Oneindia Tamil

சண்டிகர்: ஹரியானா மாநிலத்தில் அதிகரித்து வரும் பாலியல் பலாத்காரங்கள், பெண்களுக்கு எதிரான கொடுமைகளை நினைத்தால் வெட்கமாகவும், அவமானமாகவும் இருக்கிறது என்று அந்த மாநில முதல்வர் பூபிந்தர் சிங் ஹூடாவின் மனைவி ஆஷா ஹூடா கூறியுள்ளார்.

இதுகுறித்து அவர் கூறுகையில், ஹரியானா பல விஷயங்களில் முன்னணியில் இருந்தாலும், பாலியல் பலாத்காரம், பெண்களுக்கு எதிரான வன்முறை ஆகியவற்றிலும் அது முன்னணியில் இருப்பது வெட்கித் தலை குணிய வைக்கிறது.

இதை நினைத்தாலே எனக்கு அவமானமாக இருக்கிறது. இதற்காக நான் வெட்கப்படுகிறேன். என்னால் தலைநிமிர்ந்து நடக்க முடியவில்லை.

மக்கள் மனதளவில் மாற்றம் வந்தால் மட்டுமே பெண்களுக்கு எதிரான பாலியல் குற்றங்களைத் தடுக்க முடியும். பெண்களும் தங்களுக்கு எதிரான கொடுமைகளுக்கு எதிராக பொங்கி எழ வேண்டும் என்றார் அவர்.