பேஸ்புக் மூலம் தாய்ப்பால் விற்கும் பெண்கள்!

லண்டன்: தாய்ப்பாலுக்குரிய மகிமை இன்று பிசினஸாகி விட்டது. இங்கிலாந்து மற்றும் அமெரி்க்காவில் பல பெண்கள் பேஸ்புக்கில் கணக்கு தொடங்கி அதன் மூலம் தங்களது தாய்ப்பாலை விற்று காசு பார்த்து வருகின்றனராம்.

எப்படி விற்கிறார்கள்...?

பேஸ்புக், டிவிட்டர் உள்ளிட்டவற்றில் ஒரு குழுவைச் சேர்த்து அதன் மூலம் தங்களது தாய்ப்பால் விற்பனைக்கு என்று இந்தப் பெண்கள் அறிவிப்பு வெளியிட்டு பணம் பார்க்கின்றனராம்.

பால் சுரக்காத பெண்களுக்கு வரப்பிரசாதம்

தாய்ப்பால் சுரக்காமல், குழந்தைகளுக்குத் தாய்ப்பால் கொடுக்க முடியாமல் தவிக்கும் இளம் தாய்மார்களுக்கு இந்த பால் விற்பனை பெரும் வரப்பிரசாதமாக அமைந்துள்ளதாம்.

ஒரு அவுன்ஸ் தாய்ப்பால் 2 டாலர்!

இங்கிலாந்தின் எஸ்ஸக்ஸ் முதல் அமெரிக்காவின் நியூகாஸில் வரை பலரும் தாய்ப்பாலை, ஒரு அவுன்ஸ் 2 டாலர் என்றவிலைக்கு விற்கின்றனராம்.

உறைய வைத்து!

தாய்ப்பாலை பீய்ச்சி எடுத்து அதை உறைய வைத்து பின்னர் பாதுகாக்கப்பட்ட பெட்டகம் மூலம் வாடிக்கையாளர்களுக்கு அனுப்பி வைத்து விற்கின்றனராம்.

குழந்தைகளுக்கு ஆரோக்கியக் கேடு

இதுபோன்ற விற்கப்படும் தாய்ப்பாலானது குழந்தைகளின் ஆரோக்கியத்திற்கு பேராபத்தை விளைவிக்கும் என்று டாக்டர்கள் எச்சரிக்கிறார்கள். தாய்ப்பாலை அப்படியே குழந்தை குடிப்பதுதான் நல்லது, உறைய வைத்து அனுப்பினால் பேராபத்து என்று டாக்டர்கள் கூறுகிறார்கள்.

English summary

Women in Britain and US are selling their breast milk online, despite serious concerns that it could be harmful for babies, a media report said. Mothers are using community forums, including Facebook, to make some quick cash out of their extra milk, the Daily Mail reported on Wednesday.