டி.ஆர். பாலுவை விமர்சித்து பழனிமாணிக்கத்தை பேட்டி கொடுக்க சொன்னதே கருணாநிதி?

சென்னை: திமுக தலைவர் கருணாநிதி திடீரென ‘உட்கட்சி' பூசல் குறித்து நொந்து புலம்பி ஒரு அறிக்கை வெளியிட்டிருக்கிறார். மத்திய அமைச்சர் பழனி மாணிக்கத்துக்கும் டி.ஆர். பாலுவுக்கும் இடையேயான உரசலை முன்வைத்து இந்த அறிக்கையை கருணாநிதி வெளியிட்டிருந்தார். உண்மையில் இந்தப் பிரச்சனையே ஒரு நாடகம்தான் என்று சொல்கிறது அறிவாலய வட்டாரம்! யார் இந்த நாடகத்தில் சூத்திரதாரி? என்கிறீர்களா? வேறு யார்! சாட்சாத் கருணாநிதியேதான் என்கின்றனர்!

திமுகவைப் பொறுத்தவரை கருணாநிதான் தலைவர் என்றாலும் மு.க. ஸ்டாலின் கையே ஓங்கி வருகிறது. என்னதான் மு.க. அழகிரி அவ்வப்போது உதார்விட்டாலும் ஸ்டாலின் அணிதான் வலுவாக இருக்கிறது. அண்மையில் திமுக இளைஞர் அணி நிர்வாகிகளை மு.க. ஸ்டாலின் நியமித்திருந்தார். அதில் பல திமுக வாரிசுகளை ஓரம்கட்டியிருந்தார் அவர். இதில் கடுப்பாகிப் போன திமுக மாவட்டச் செயலர்கள், இதென்ன நியாயம் என்று கருணாநிதியிடம் புலம்பியிருக்கின்றனர். இப்படியே போனால் ஸ்டாலினின் கை ஓங்கிப் போய்விடும் என்றும் கூறியிருக்கின்றனர். இவற்றையெல்லாம் சந்திக்காதவரா கருணாநிதி! கட்சியில் எப்பவும் எனக்குத்தான் செல்வாக்கு என்று வெளிப்படுத்த பழனி மாணிக்கத்தைத் தூண்டிவிட்டு டி.ஆர். பாலுவை விமர்சிக்கச் சொன்னதாகக் கூறப்படுகிறது. இதனால் பழனி மாணிக்கத்தைக் கூப்பிட்டு பஞ்சாயத்து நடத்தி ஒரு அறிக்கை வெளியிட்டு தாமே கட்சியில் எப்பவும் முதலிடம்.. தமக்கே செல்வாக்கு என வெளிப்படுத்தியிருக்கிறாராம் கருணாநிதி என்கிறது அறிவாலய தகவல்கள். திமுகவில் அனைத்து மாவட்டங்களிலும் கோஷ்டி பூசல் இருந்தாலும் யாரும் யாரையும் விமர்சிப்பது இல்லை. ஆனால் பழனி மாணிக்கம் இப்படி பகிரங்கமாக பேட்டி கொடுக்க கருணாநிதி
யே காரணம் என்றும் அவரது ஆதரவு இல்லாமல் இப்படியெல்லாம் பேட்டி கொடுக்க முடியாது என்றும் சுட்டிக்காட்டுகின்றனர் திமுக உடன்பிறப்புகள்!

English summary

Sourcs in DMK says that party chief Karunanidhi is behind the drama of Union minister Pazhanimanikkam's outburst against T R Baalu.