மோடியின் ட்விட்டர் ஆதரவாளர்கள் எண்ணிக்கை 10 லட்சத்தை தொட்டது!

அகமதாபாத்: குஜராத் முதல்வர் நரேந்திர மோடியின் ட்விட்டர் ஆதரவாளர்கள் எண்ணிக்கை 10 லட்சத்தை தொட்டிருக்கிறது.

நவீன தொழில்நுட்பங்களை கையாளக் கூடிய அரசியல்வாதிகளில் முதன்மையானவராக இருப்பவர் குஜராத் முதல்வர் நரேந்திர மோடி. 2009-ம் ஆண்டு முதல் சமூக வலை தளங்களை பயன்படுத்தி வருகிறார் மோடி.

2010-ம் ஆண்டில் ட்விட்டரில் 1 லட்சம் பேர் வரை மோடியுடன் இணைந்திருந்தனர். கடந்த ஆண்டு 4 லட்சமாக அதிரித்தது. பாரதிய ஜனதா கூட்டணியின் பிரதமர் வேட்பாளராக மோடியை முன்னிறுத்தும் லாபி ஒருபக்கம் நடந்து கொண்டிருப்பதால் மோடியைப் பற்றிய ஆர்வமும் அவரது கருத்துகளும் கூடுதல் கவனத்தைப் பெற்றிருக்கிறது. மோடியின் ட்விட்டரில் இப்போது இணைந்திருப்போர் எண்ணிக்கை 10 லட்சத்தை தொட்டிருப்பதை வைத்தே இந்தக் கருத்தை வெளிப்படுத்துகின்றனர் அரசியல் பார்வையாளர்கள்.

இது குறித்து தமது ட்விட்டர் பக்கத்தில் குறிப்பிட்டுள்ள மோடி, 10 லட்சம் ஆதரவாளர்கள் என்பது சாதாரண எண்ணிக்கையே. ஆனால் இது என் மீதுள்ள உங்களின் அன்பையும் ஆதரவையும் காட்டுகிறது. அதற்காக உங்கள் அனைவருக்கும் எனது மனமார்ந்த நன்றிகளை தெரிவித்துகொள்கிறேன் என்று கூறியுள்ளார்.

குஜராத் மாநில சட்டப்பேரவைத் தேர்தல் நடைபெற உள்ள நிலையில் இந்த இமேஜ் மோடிக்கு கை கொடுக்குமா?

English summary

With Gujarat Assembly Elections 2012 scheduled in December, Chief Minister of Gujarat Narendra Modi got a pat on his back. Known for being technology savvy, Modi now has one million 'followers' on Twitter.