வத்ரா மாதிரி ஃபேஸ்புக்கையே விட்டு விட்டு ஓடிப்போகிறவர் கத்காரி அல்ல: பாஜக

By Mathi

Published: Thursday, October 25, 2012, 16:29 [IST]

Subscribe to Oneindia Tamil

டெல்லி: பாஜக தலைவர் நிதின் கத்காரி தம் மீதான புகார்கள் குறித்த விசாரணையை நிச்சயம் எதிர்கொள்வார் என்று பாஜக கூறியுள்ளது.

நிதின் கத்காரியின் நிறுவனத்துக்காக கொடுக்கப்பட்டிருக்கும் முகவரிகள் அனைத்துமே டுபாக்கூர் என்ற விவகாரம்தான் இப்போது அரசியலில் பரபரப்பான பேச்சு. ஆனால் கத்காரியை பாஜக மூத்த தலைவர் அத்வானி தொடங்கி அனைவருமே ஆதரித்தே கருத்து தெரிவித்து வருகின்றனர்.

இந்நிலையில் பாஜகவின் பல்பீர் பூஞ்ச் இது தொடர்பாக கருத்து தெரிவிக்கையில், பிரச்சனை என்று வந்தவுடன் ஃபேஸ்புக்கைவிட்டே ஓடிப் போனவர் சோனியாவின் மருமகன் வத்ரா. ஆனால் கத்காரியோ ஒவ்வொரு சேனலின் ஸ்டுடியோவுக்கும் போய் விளக்கம் அளித்துக் கொண்டிருக்கிறார். வத்ரா மாதிரி ஓடிப் போகாமல் கத்காரி விசாரணையை எதிர்கொள்வார் என்றார்.

Published On October 25, 2012