நவ. 18ம் தேதி மறைமலைநகரில் கருணாநிதி முன்னிலையில் 'ஸ்டிரென்த்' காட்டுகிறார் ஸ்டாலின்

சென்னை: சென்னை அருகே மறைமலைநகரில் நவம்பர் 18ம் தேதி இளைஞர் அணி அமைப்பாளர்களின் கூட்டத்தை மு.க.ஸ்டாலின் கூட்டியுள்ளார். கருணாநிதி தலைமையில் நடைபெறும் இந்தக் கூட்டத்தில், சமீபத்தில் புதிதாக நியமிக்கப்பட்ட திமுக இளைஞர் அணி அமைப்பாளர்கள், நிர்வாகிகள் கலந்து கொள்ளவுள்ளனர்.

மு.க.ஸ்டாலினின் பலம் காட்டும் கூட்டமாக இது பார்க்கப்படுகிறது. இதுதொடர்பாக ஸ்டாலின் வெளியிட்டுள்ள அறிக்கையில்,

திமுக தலைவர் கருணாநிதி தலைமையில், பொதுச்செயலாளர் பேராசிரியர் அன்பழகன் முன்னிலையில் திமுக இளைஞர் அணி மாவட்ட, மாநகர, மாநில, ஒன்றிய, நகர, பகுதி, தொகுதி, பேரூர் ஆகிய அமைப்புகளின் அமைப்பாளர்கள், துணை அமைப்பாளர்கள் கூட்டம் அடுத்த மாதம் 18-ந் தேதி (ஞாயிற்றுக்கிழமை) காலை 9.30 மணியளவில் மறைமலைநகர் அண்ணா திடலில் நடைபெறும்.

அப்போது அனைத்து மாவட்ட, மாநகர, மாநில, ஒன்றிய நகர, பகுதி, தொகுதி, பேரூர் ஆகிய அமைப்புகளின் அமைப்பாளர்கள், துணை அமைப்பாளர்கள் தவறாது கலந்து கொள்ளவேண்டும் என்று ஸ்டாலின் கூறியுள்ளார்.

English summary

DMK youth wing functionaries meeting has been called on Nov 18 at Maraimalai Nagar.