காங்கிரஸ் துணைத் தலைவர் அல்லது செயல் தலைவராகிறார் ராகுல் காந்தி?
டெல்லி: மத்திய அரசிலும் காங்கிரஸ் கட்சியிலும் ராகுல் காந்தியின் கை ஓங்க இருக்கிறது. நாளை நடைபெற இருக்கும் மத்திய அமைச்சரவை மாற்றத்தை ஒட்டி இதுவரை 4 அமைச்சர்கள் ராஜினாமா செய்திருக்கும் நிலையில் ராகுல் காந்தி என்ன பொறுப்பு வகிப்பார் என்ற எதிர்பார்ப்பு அதிகரித்திருக்கிறது,
நாளைய அமைச்சரவை மாற்றத்தில் ராகுல் ஆதரவாளர்கள் பலருக்கும் வாய்ப்பு வழங்கப்பட இருக்கிறது. அதே நேரத்தில் காங்கிரஸ் பொதுச்செயலாளராக இருக்கும் ராகுல் காந்திக்கு அனேகமாக கட்சியின் துணைத் தலைவர் அல்லது செயல் தலைவர் பதவி கொடுக்கப்படக் கூடும் என்று கூறப்படுகிறது.
மத்திய அமைச்சரவையில் ராகுல் காந்தி சேரவேண்டும் என்று பிரதமர் மன்மோகன்சிங் வலியுறுத்தி வந்தாலும் திக்விஜய்சிங் போன்றோர் ராகுல் கட்சிப் பணியைத்தான் கவனிக்க வேண்டும் என்று கூறி வருகின்றனர். இதனால் கட்சியில் ராகுல் காந்திக்கு கூடுதல் முக்கியத்துவம் வழங்கப்படுவது உறுதி என்கின்றனர் காங்கிரஸ் தலைவர்கள்!
Click it and Unblock the Notifications
Sign in with Google