கழுத்தை நெரிக்க முயன்ற காதலனின் விரலைக் கடித்துத் துப்பிய காதலி
சிகாகோ: தனது குழந்தைகள் முன்பு தனது கழுத்தை நெரிக்க முயன்ற காதலனின் விரலைக் கடித்துத் துப்பி விட்டார் காதலி. நல்ல வேளை இது இங்கு நடக்கவில்லை, அமெரிக்காவின் சிகாகோவில் நடந்துள்ளது.
விரலைப் பறி கொடுத்த நபரின் பெயர் ஜெர்ரி ஸ்டீவன்சன். வயது 38. இவரது காதலியின் பெயர் வெளியிடப்படவில்லை. ஆனால் அவருக்கு 45 வயதாகிறது.
சம்பவத்தன்று ஜெர்ரிக்கும், அவரது காதலிக்கும் கடும் வாக்குவாதம் மூண்டது. ஒரு கட்டத்தில் ஜெர்ரி தனது கைத்துப்பாக்கியை எடுத்து காதலியை மிரட்டியுள்ளார். இதனால் பயந்து போன காதலி வீட்டுக்குள் ஓடியுள்ளார். ஆனாலும் விடாமல் துரத்திய ஜெர்ரி, தனது காதலியின் கழுத்தை நெரித்துக் கொல்லப் பார்த்தார். இதையடுத்து ஜெர்ரியின் காதலை, படக்கென்று ஜெர்ரியின் கையைப் பிடித்து விரலைப் பலமாக கடித்தார். இதில் ஒரு விரல் துண்டாகி விட்டது.
இதனால் அலறித் துடித்த ஜெர்ரி, துண்டாகிப் போன விரலுடன் மருத்துவமனைக்கு ஓடினார். அங்கு டாக்டர்கள் விரலை மீண்டும் ஒட்ட வைத்து அறுவைச் சிகிச்சை செய்து சரிப்படுத்தி விட்டனர்.
இந்த சம்பவம் குறித்து விசாரணை நடத்திய போலீஸார், ஜெர்ரி மீது வழக்குப் பதிவு செய்து அவரைக் கைது செய்தனர். தற்காப்புக்காகவே விரலைக் கடித்ததால் அவரது காதலி மீது வழக்குப் பாயவில்லை.
Click it and Unblock the Notifications
Sign in with Google