மனைவி விவகாரத்தை விடுவதாக இல்லை திக்விஜய்சிங்... மோடி ஆதரவாளர்களை உசுப்பிவிடுகிறார்
டெல்லி: என்ன நேரத்தில் மத்திய அமைச்சர் சசிதரூரின் காதலியை பற்றி குஜராத் முதல்வர் நரேந்திர மோடி நக்கலடித்தாரோ.. காங்கிரஸ் பொதுச்செயலர் திக்விஜய்சிங் கடந்த இரண்டு நாட்களாக மோடியின் மனைவி விவகாரத்தை ஊதிப் பெரிதாக்கிக் கொண்டிருக்கிறார்...
மத்திய அமைச்சரவை மாற்றத்தில் வாய்ப்பு கிடைத்த சசிதரூரை கிண்டலடித்தார் மோடி. அதாவது "ரூ50 கோடி காதலி" என்று சசி தரூரின் காதல் மனைவி சுனந்தா பற்றி நக்கலடித்தார். சசி தரூரோ எனது மனைவி விலை மதிப்பற்றவர் என்று பதிலடி கொடுத்தார்.
இந்த விவகாரத்தில் மூக்கை நுழைத்த திக்விஜய்சிங், மோடியின் மனைவி பெயர் யசோதா. 1962-ம் ஆண்டே திருமணம் ஆகிவிட்டது. ஆனால் மோடி தமது மனைவியை மறைத்து வைத்திருக்கிறார். தேர்தல் ஆணைய ஆவணங்களிலும் கூட திருமணம் தொடர்பாக பதிலளிக்காமல் வெற்றிடமாக விட்டிருக்கிறார் என்று வெளுத்து வாங்கினார்.
ஆனாலும் திக்விஜய்சிங்கின் மனம் ஆறவில்லை போல்...ட்விட்டரில் இன்று, மோடியின் ஆதரவாளர்களே! உங்கள் மோடியின் மனைவி பற்றி ஏன் கனத்த மெளனம் என்று கேள்வி எழுப்பி கலகமூட்டி விட்டிருக்கிறார்!
Click it and Unblock the Notifications
Sign in with Google