4 மணி நேர தாமதம்- ரூ22,000 நஷ்ட ஈடு கொடுக்க ஸ்பைஸ்ஜெட்டுக்கு உத்தரவு!

டெல்லி: காத்மண்டுவிலிருந்து டெல்லிக்கு வந்த ஸ்பைஸ்ஜெட் விமானத்தை 4 மணி நேரம் தாமதமாக இயக்கியதற்காக பயணி ஒருவருக்கு ரூ22 ஆயிரம் நட்ட ஈடு கொடுக்க நுகர்வோர் தீர்ப்பாயம் உத்தரவிட்டிருக்கிறது.

டெல்லி- காத்மாண்டு வந்து செல்ல ஜகிஸ்கான் அகர்வால் தமது குடும்பத்தினருடன் கடந்த 2010-ம் ஆண்டு செப்டம்பர் 9-ந் தேதி ஸ்பைஸ்ஜெட்டில் டிக்கெட் பதிவு செய்திருந்தார். அகர்வால், பார்வை குறைபாடுடையவர். காத்மண்டுவில் காலை 10.45க்கு புறப்பட வேண்டிய விமானம் மாலை 3.24க்குத்தான் புறப்பட்டது. விமானம் தாமதமாக கிளம்பியதற்கு காரணம், ஏர் டிராபிக் என்று ஸ்பைஜெட் என்று சொல்வதில் உண்மை இல்லை என்பது அகர்வாலின் புகார். இதனை விசாரித்த நுகர்வோர் தீர்ப்பாயம், ஸ்பைஸ்ஜெட் நிறுவனத்துக்கு ரூ22 ஆயிரத்தை நட்ட ஈடாக அகர்வாலுக்கு கொடுக்க உத்தரவிட்டது!

ஸ்பைஸ்ஜெட் தரப்பில் விமானம் தாமதமாக புறப்பட்டதற்கு சரியான காரணம் சொல்லப்படவில்லை என்பதால் நுகர்வோர் தீர்ப்பாயம் இத்தீர்ப்பை அளித்தது.

English summary

SpiceJet has been directed by a consumer forum here to pay a compensation of Rs. 22,000 to a visually-impaired man for over a four-hour delay of his flight from Kathmandu to Delhi.