இலங்கை செல்கிறார் இந்திய ராணுவ தளபதி

டெல்லி: இலங்கை ராணுவத்துக்கு இந்தியாவில் எங்குமே பயிற்சி கொடுக்கக் கூடாது என்று தமிழகத்தில் அனைத்து கட்சிகளும் வலியுறுத்தி வரும் நிலையில் இந்திய ராணுவ தளபதி விக்ரம்சிங் இலங்கைக்கு பயணம் மேற்கொள்கிறார்.

தமிழகத்தில் இலங்கை ராணுவத்தினருக்கு பயிற்சி அளிக்கக் கூடாது என்பது தமிழகத்தின் ஒருமித்த குரல். ஆனால் மத்திய அரசு இதைப்பற்றியெல்லா கவலைப்படுவதில்லை. சில நாட்களுக்கு முன்பு கூட திமுக தலைவர் கருணாநிதி, இலங்கை ராணுவத்துக்கு இந்தியாவில் பயிற்சி கொடுக்கக் கூடாது என்று கூறியிருந்தார்.

இந்நிலையில் இந்திய ராணுவ தளபதி விக்ரம்சிங், அடுத்த மாதம் இலங்கை செல்கிறார். அவருடைய பயண தேதியை இரு நாட்டு அதிகாரிகளும் கலந்து பேசி முடிவு செய்வார்கள். இந்தியா- இலங்கை ராணுவத்துக்கு இடையே ராணுவ உறவை மேலும் வலுப்படுத்துவது குறித்து இந்த சுற்றுப்பயணத்தின்போது முக்கிய ஆலோசனை நடத்தப்படுகிறது.

English summary

Army Chief Gen Bikram Singh will travel to Sri Lanka next month to discuss ways to further strengthen military ties between the two countries at a time when political parties in Tamil Nadu are up in arms against any kind of defence cooperation with Colombo.