அமெரிக்க செனட் சபையிலும் ஜனநாயகக் கட்சியே வெற்றி- ஆனால் 'ஹவுஸை' இழந்தது!
2 ஆண்டுகளுக்கு முன்பு நடந்த பிரதிநிதிகள் சபை தேர்தலிலும் ஜனநாயகக் கட்சி தோல்வியடைந்திருந்தது. தற்போது மீண்டும் தோல்வியடைந்துள்ளது. இதன் காரணமாக மீண்டும் நாடாளுமன்றத்தில் ஜனநாயகக் கட்சி முக்கிய சட்டங்களை, சட்டத் திருத்தங்களை நிறைவேற்றுவதில் குடியரசுக் கட்சியின் தயவை எதிர்பார்க்கும் நிலை ஏற்பட்டுள்ளது.
பிரதிநிதிகள் சபை தேர்தலில் குடியரசுக் கட்சி இதுவரை 232 இடங்களைப் பெற்றுள்ளது. ஜனநாயகக் கட்சிக்கு 191 இடங்கள் கிடைத்துள்ளன. மொத்த இடங்கள் 423 ஆகும். செனட் சபையில் 100 இடங்களுக்கு நடந்த தேர்தலில் ஜனநாயகக் கட்சி 53 இடங்களையும், குடியரசுக் கட்சி 45 இடங்களையும் கைப்பற்றியுள்ளது.
இது சாதாரண பெரும்பான்மை பலம்தான். அறுதிப் பெரும்பான்மை பலத்திற்கு 60 இடங்களாவது தேவை என்பதால் செனட் சபையிலும் கூட ஜனநாயகக்கட்சி தனித்து செயல்படாத நிலையே காணப்படுகிறது என்பது குறிப்பிடத்தக்கது.
Click it and Unblock the Notifications
Sign in with Google