ஊழலுக்கு எதிரான இந்தியாவின் பெயரை பயன்படுத்த மாட்டேன்: அர்விந்த் கெஜ்ரிவால்

By Mathi

Published: Sunday, November 11, 2012, 17:05 [IST]

Subscribe to Oneindia Tamil

டெல்லி: அன்னா ஹசாரேவின் "ஊழலுக்கு எதிரான இந்தியா" என்ற இயக்கப் பெயரை தாம் பயன்படுத்த மாட்டேன் என்று சமூக ஆர்வலர் கெஜ்ரிவால் கூறியுள்ளார்.

இது தொடர்பாக கருத்து தெரிவித்துள்ள கெஜ்ரிவால், ஊழலுக்கு எதிரான இந்தியா என்ற இயக்கப் பெயரை பயன்படுத்தக் கூடாது என்று அன்னா ஹசாரே கேட்டுக் கொண்டால் நிச்சயமாக நான் அதை பயன்படுத்த மாட்டேன். ஹசாரே என் குரு. அவர் தினமும் என்னுடன் பேசுகிறார் என்றார்.

இதனிடையே அன்னா ஹசாரேவின் குழுவைச் சேர்ந்த கிரண் பேடி, ஊழலுக்கு எதிரான இந்தியா என்ற இயக்கம் ஹசாரேவுக்கு சொந்தமானது. இந்தப் பெயரில்தான் நாங்கள் மக்களிடம் நன்கொடை திரட்டியிருக்கிறோம். அர்விந்த் கெஜ்ரிவால் அமைப்பின் பெயர் வேறானது என்றார்.

Published On November 11, 2012