ஒபாமா கொல்லப்பட்டுவிடுவார்.. ஃபேஸ்புக்கில் விளையாடி பெண்ணின் வேலைக்கு ஆப்பு
அமெரிக்காவின் கலிபோர்னியாவில் உள்ள ஐஸ்கிரீமில் பணியாற்றியவர் டெனிஸ் ஹெல்மஸ். இவர் ஒபாமாவின் வெற்றி குறித்து ஃபேஸ்புக்கில் கருத்து தெரிவிக்கிறேன் என்று கூறி வினையை சம்பாதித்து இருக்கிறார்.
இவர் எழுதியது ' மீண்டும் அமெரிக்க அதிபராகியிருக்கும் ஒபாமா இன்னு 4 ஆண்டுகளில் கொல்லப்பட்டுவிடுவார்' என்பதுதான்! இவரது பதிவு பலருக்கும் அனுப்பி வைக்கப்பட பெரும் சர்ச்சையே வெடித்தது.
இதனால் ஆடிப்போன அந்த பெண் தமது பதிவையே நீக்கிவிட்டார். ஆனாலும் ஃபேஸ்புக்கில் மீண்டும் ஒரு கருத்தை பதிவு செய்தார். "எனது கருத்து இவ்வளவு பெரிய சர்ச்சையை ஏற்படுத்தும் என்று நினைக்கவில்லை. ஃபாக்ஸ் தொலைக்காட்சி எனது வீடு தேடி பேட்டி எடுக்க வந்து விட்டது. நான் மதவாதி என்றும் குறும்புக்காரி என்றும் கூறுகின்றனர். ஒபாமாவை நானே கொல்லப் போகிறேன் என்று நான் கூறவில்லை. ஆனால், அப்படி சம்பவம் நடந்தால், அதற்காக நான் கவலைப்படப் போவதும் இல்லை" என்று மீண்டும் குசும்பை காட்டியிருக்கிறார்.
இதற்கிடையே அவரது வேலையை ஐஸ்கிரீம் பார்லர் பறித்து வீட்டுக்கு அனுப்பிவிட்டது.
Click it and Unblock the Notifications
Sign in with Google