சில்லறை வணிகத்தில் அன்னிய முதலீடு: மசோதா வரட்டும், முடிவெடுப்போம்- கருணாநிதி 'சஸ்பென்ஸ்'!

சென்னை: சில்லரை வணிகத்தில் அன்னிய முதலீடு குறித்த மசோதா நாடாளுமன்றத்தில் தாக்கலாகும் போது தான் அதை ஆதரிப்பதா அல்லது எதிர்ப்பதா என்பது குறித்து திமுக முடிவெடுக்கும் என்று அக் கட்சியின் தலைவர் கருணாநிதி கூறியுள்ளார்.

இது குறித்து நிருபர்களுக்கு அவர் அளித்த பேட்டியில்,

கேள்வி: மத்திய நிதியமைச்சர் ப.சிதம்பரம் உங்களைச் சந்தித்தாரே, அதுபற்றி?

கருணாநிதி: ப.சிதம்பரம் தீபாவளி கொண்டாடக் கூடியவர். வாழ்த்துச் சொல்ல வந்தார். நான் தீபாவளி கொண்டாடுவதில்லை. பொங்கல்தான் தமிழர்களுடைய திருநாள்.

கேள்வி: நாடாளுமன்ற குளிர்காலக் கூட்டத் தொடரில் சில்லரை வணிகத்தில் அன்னிய முதலீடு மசோதா தாக்கல் செய்தால் அதனை ஆதரிப்பீர்களா?

கருணாநிதி: மசோதா தாக்கல் செய்யும் போது திமுக எடுக்கும் நிலை என்னவென்று தெரிய வரும்.

கேள்வி: தமிழகத்தில் பண்டிகை தினத்தில்கூட மின்வெட்டு அதிகரித்துள்ளதே?

கருணாநிதி: ''அம்மா ஆட்சி'' என்றாலே அப்படித்தான் இருக்கும்! என்றார்.

English summary

Keeping the Centre in suspense, DMK, a key ally of the UPA-led Congress coalition, on Tuesday said its stand on FDI in retail would be known when the Bill is brought before Parliament. “The DMK stand will be known when the Bill is introduced,” DMK chief M Karunanidhi said. He was asked what would be DMK’s stand and whether it would support, if the Bill on FDI in retail sector was brought during the winter session of Parliament beginning November 22.