பெட்ரோல் விலை ரூ.1.20 குறைப்பு: சென்னையில் 1 லிட்டர் ரூ.70.57

டெல்லி: சர்வதேச சந்தையில் கச்சா எண்ணெயின் விலை குறைந்துள்ளதையடுத்து பெட்ரோல் விலை லிட்டருக்கு ரூ.1.20 குறைக்கப்பட்டுள்ளது. இந்த புதிய விலை நேற்று நள்ளிரவு முதல் அமலுக்கு வந்தது.

சர்வதேச சந்தையில் கச்சா எண்ணெயின் விலை குறைந்துள்ளது. இதையடுத்து பெட்ரோல் விலையை லிட்டருக்கு 95 பைசா குறைப்பதாக மத்திய பெட்ரோலிய நிறுவனம் அறிவித்தது. அதன்படி புதிய விலை நேற்று நள்ளிரவு முதல் அமலுக்கு வந்துள்ளது.

டெல்லியில் பெட்ரோல் விலை 95 பைசா குறைக்கப்பட்டு ஒரு லிட்டர் 67.24க்கு விற்கப்படுகிறது. மும்பையில் ரூ.1.20 பைசா குறைக்கப்பட்டு ஒரு லிட்டர் பெட்ரோல் ரூ. 73.53க்கு விற்பனை செய்யப்படுகிறது. சென்னையில் ரூ.71.77க்கு விற்ற ஒரு லிட்டர் பெட்ரோல் தற்போது ரூ.1.20 குறைக்கப்பட்டு லிட்டர் ரூ.70.57க்கு விற்கப்படுகிறது. இது தவிர கொல்கத்தாவில் ரூ.1.19 குறைக்கப்பட்டு பெட்ரோலின் விலை ரூ.74.55 ஆகக் குறைந்துள்ளது.

விலை குறைப்புக்கு பிறகு ஹைதராபாத்தில் 1 லிட்டர் பெட்ரோல் ரூ..73.73 ஆகவும், பெங்களூரில் ரூ.74.22 ஆகவும் குறைந்துள்ளது.

விற்பனை வரி மற்றும் வாட் வரியைப் பொறுத்து இந்த விலை குறைப்பு ஒவ்வொரு மாநிலத்திற்கும் வேறுபட்டுள்ளது. இதற்கு முன்பு கடந்த அக்டோபர் மாதம் 9ம் தேதி பெட்ரோலின் விலை லிட்டருக்கு 56 பைசா குறைக்கப்பட்டது.

சர்வதேச சந்தையில் கச்சா எண்ணெயின் விலை குறைந்தாலும், அமெரிக்க டாலருக்கு எதிரான இந்திய ரூபாயின் மதிப்பு மாறிக் கொண்டே இருப்பதால் பெட்ரோல் விலையில் மாற்றம் ஏற்படலாம் என்று கூறப்படுகிறது.

English summary

Petrol price was on Thursday cut by 95 paise per litre, the second reduction in rates since October, on account of fall in international oil prices.