மக்களவைத் தேர்தல்: மும்பை டீம் மூலம் சர்வே நடத்தும் அதிமுக

சென்னை: மக்களவைத் தேர்தலில் அதிமுகவுக்கு வியூகம் வகுப்பது தொடர்பாக மும்பை நிறுவனம் ஒன்று தமிழகத்தில் சர்வே நடத்தவுள்ளது.

அதிமுகவைப் பொறுத்தவரையில் மக்களவைத் தேர்தலுக்கான பணிகளை தொடங்கி விட்டது. அமைச்சர்கள் குழு ஒரு அறிக்கையை முதல்வர் ஜெயலலிதாவிடம் அளித்திருக்கிறது. இதைத் தொடர்ந்து மும்பையைச் சேர்ந்த நிறுவனம் அதிமுகவுக்கு வியூகம் வகுக்க வருகிறதாம்.

அதிமுகவின் வெற்றி வாய்ப்பு, பிரச்சார வியூகம், மக்களின் மன நிலை ஆகியவை குறித்து இந்த டீம் அதிமுகவுக்கு யோசனைகளை வழங்குமாம்.

இந்த நிறுவனத்தை முதல்வர் ஜெயலலிதாவுக்கு பரிந்துரைத்தது குஜராத் முதல்வர் நரேந்திர மோடி தான் என்கிறார்கள்.

நரேந்திர மோடிக்கு இரண்டு முறை தேர்தலின் போதும் ஆலோசனைகளை வழங்கி வியூகம் வகுத்தது இந்த சர்வே அமைப்புதானாம்.

English summary

A Mumbai based survey group is going to read the minds of people and give feedback to ADMK for parliament elections.