முன்னாள் பிரதமர் ஐ.கே.குஜ்ரால் கவலைக்கிடம்

குர்கான்: முன்னாள் பிரதமர் இந்தர் குமார் குஜ்ரால் கவலைக்கிடமான நிலையில் ஹரியானா மாநிலம் குர்கானில் உள்ள மெடிசிட்டி மெடந்தா மருத்துவமனையில் அனுமதிக்கப்பட்டுள்ளார்.

அவருக்கு நுரையீரல் தொற்று ஏற்பட்டிருப்பதாகவும், அவரது நிலை கவலைக்கிடமாக இருப்பதாகவும் டாக்டர்கள் தெரிவித்துள்ளனர்.

92 வயதாகும் ஐ.கே.குஜ்ரால் சில காலமகாவே உடல்நலம் குன்றியிருந்தார். அவருக்கு செயற்கை சுவாசம் அளிக்கப்பட்டு வருகிறது. சனிக்கிழமை அவரது உடல் நிலை மோசமடைந்தது. கடந்த ஒரு வருடமாகவே அவருக்கு சிறுநீரக பாதிப்பு இருந்ததால் டயாலிசிஸ் செய்யப்பட்டு வந்தது.

கவலைக்கிடமான நிலையில் குஜ்ரால் நிலை இருந்தாலும் கூட சீராக இருந்து வருவதாக டாக்டர்கள் கூறுகின்றனர். கடந்த நான்கு நாட்களாக குஜ்ரால் மருத்துவமனையில் இருந்து வருகிறார். நெஞ்சு வலி காரணமாக அனுமதிக்கப்பட்ட அவருக்கு நுரையீரல் தொற்று ஏற்பட்டுள்ளது.

English summary

Former Prime Minister Inder Kumar Gujral has been admitted to the Medicity Medanta Hospital in Gurgaon with a lung infection and his condition is said to be "serious". Mr Gujral, 92, who has been unwell for sometime, was put on the ventilator on Saturday after his condition deteriorated. He was on dialysis for over a year now and had contracted a serious chest infection some days ago.